ཉི་ཐིག་མེ་ཐོག་ལ་བབས་པའི་ཉིན་མོ།
ཉི་ཐིག་མེ་ཐོག་ལ་བབས་ཉིན
དམར་ལྷོག་ལྷོག་གི་མེ་ལྕེ་ཞིག
སེམས་ཀྱི་ཞོགས་པ་དྭངས་མོ་བཞིན
གཙང་བོ་དང ནམ་མཁའ
སྨྲེང་བར་འཁྱིལ་བའི་བྱེ་ཐང་དེ་རུ
ཁོ་མོས བདག་གི་མིང་བྱང་ཀློག་གིན་ཀློག་གིན
དགོད་སྒྲའམ སྙིང་གི་འཕར་ལྡིང་ཤུན་ཏུ་མཐོ་རུ་བཏེགས
ངེས་མེད་ཀྱི་རྣམ་ཤེས་ལྡོམ་པོ
རང་དབང་གིས་བར་སྣང་དུ་ལྡིང་ཞིང
སྐབས་སྐབས་སུ མཁའ་དབྱངས་སུ་འཕུར
མཚམས་ལན་རེར གཙང་བོ་རུ་འགྱེལ་གྱིན་འདུག
ཉིན་མོ་དེ ཉི་ཐིག་མེ་ཐོག་དུ་བཞུད་པའི་ཉིན་མོ་དེ
ཆུ་ཤེལ་དང་འདྲ་ལ མེ་ལྕེ་དང་ཡང་མཚུངས
ཉིན་དང་ཞག ཞག་དང་ཉིན
གཅིག་ཐོག་གཉིས་བརྩེགས་ཀྱི་ལྟེབས་སོ་ན
ཡུན་ནས་ཡུན་དུ ཁྱེད་ཀྱི་ཕྱིར་འོང་གི་གོམ་སྒྲ་འཇགས
8/9/2012 མཚན་མོར་གྲོགས་གངས་སྒྲ་དང་ལྷན་དུ།
༼ན་བུན་གྱིས་བསྒྱུར༽
རྩོམ་ཁུངས། ངེད་དྲ་བ།