ལ་གཞས་མཐུན་པ་དྲུག་སྐོར་ལས། འགྲོག་པའི་སྐོར།༢

༡༦ཐང་དཀར་བྱ་དང་ངེད་གཉིས་ཀས།།

སྔ་དྲོར་བྲག་ལ་གཡས་སྐོར་རྒྱག།

ཕྱི་དྲོར་བྲག་ལ་གཡོན་སྐོར་རྒྱག།

བྲག་དཀར་བོ་སྨུག་པས་བཟུང་བཏང་ན།།

ང་དལ་མོ་མིན་ལ་བྲེལ་བ་ཡིན།།

 

གྲོ་རྒྱ་འདོ་བ་ངེད་གཉིས་ཀས།།

སྔ་མོར་བྱང་ལ་གཡས་སྐོར་རྒྱག།

ཕྱི་དྲོར་བྱང་ལ་གཡོན་སྐོར་རྒྱག།

ས་བྱང་ལམ་དར་དཀར་འཐེན་བཏང་ན།།

ང་དལ་མོ་མིན་ལ་བྲེལ་མོ་ཡིན།།

 

དགའ་ལོ་རོགས་དང་ངེད་གཉིས་ཀས།།

སྔ་མོར་སྡེ་ལ་གཡས་སྐོར་རྒྱག།

ཕྱི་དྲོར་སྡེ་ལ་གཡོན་སྐོར་རྒྱག།

སྡེའི་རོགས་བརྒྱ་མང་བོས་བསྐོར་བཏང་ན།།

ང་དལ་མོ་མིན་ལ་བྲེལ་མོ་ཡིན།།

 

༡༧བྲག་དཀར་བོ་ཨ་ལོང་ཉིས་ལོང་རེད།།

རྒོད་ཐང་དཀར་གཡངས་ལུང་གཡོན་ལུང་རེད།།

རྒོད་ཐང་དཀར་ཆ་ཡོད་ཆ་མེད་རེད།།

སྒང་གཅིག་ལ་སྟོད་དང་ཆ་ཡོད་རེད།།

 

ས་བྱང་ལམ་ཨ་ལོང་ཉིས་ལོང་རེད།།

རྟ་འདོ་བ་གཡས་ལུང་གཡོན་ལུང་རེད།།

རྟ་འདོ་བ་ཆ་ཡོད་ཆ་མེད་རེད།།

བྱང་གཅིག་ལ་རྒྱུགས་དང་ཆ་ཡོད་རེད།།

 

བོད་ཚོ་ཆེན་ཨ་ལོང་ཉིས་ལོང་རེད།།

རོགས་ན་ཟླ་གཡས་ལུང་གཡོན་ལུང་རེད།།

རོགས་ན་ཟླ་ཆ་ཡོད་ཆ་མེད་རེད།།

སྡེ་གཅིག་ནས་རྩེ་དང་ཆ་ཡོད་རེད།།

 

༡༨སྟོད་དབུས་གཙང་རྒྱུད་དུ་འགྲོ་དུས་ན།།

ངས་མ་མཇལ་ལྷ་ཞིག་ལུས་མེད་འདོད།།

ངས་བསམ་ནས་འདང་གསུམ་བརྒྱབ་ན།།

ང་མ་མཇལ་དགའ་ལྡན་གསེར་ཁྲི་སྣང་།།

མཇལ་ཐུབ་ན་ད་ཐེངས་མཇལ་རྒྱུ་ཡིན།།

མཇལ་མ་ཐུབ་ཕྱག་གསུམ་འཚལ་རྒྱུ་ཡིན།།

ལས་གཞུག་ཐེངས་མཇལ་བའི་ཡིད་སྨོན་གཏོང་།།

 

སྨད་རྒྱ་ནག་རྒྱུད་དུ་འགྲོ་དུས་ན།།

ངས་མ་ཉོས་གོས་ཤིག་ལུས་མེད་འདོད།།

ངས་བསམ་ནས་འདང་གསུམ་བརྒྱབ་ན།།

ངས་མ་ཉོས་གོས་ཆེན་གསེར་མ་སྣང་།།

ཉོ་ཐུབ་ན་ད་ཐེངས་ཉོ་རྒྱུ་ཡིན།།

ཉོ་མ་ཐུབ་གོང་ཐང་བཤེར་རྒྱུ་ཡིན།།

ལས་གཞུག་ཐེངས་ཉོ་རྒྱུའི་ཡིད་སྨོན་གཏོང་།།

 

བོད་ཚོ་ཆེན་རྒྱུད་དུ་འགྲོ་དུས་ན།

ང་མ་རྩེ་རོགས་ཤིག་ལུས་མེད་འདོད།།

ངས་བསམ་ནས་འདང་གསུམ་བརྒྱབ་ན།།

ང་མ་རྩེ་མ་ལོ་ཁྱེད་སྣང་།།

རྩེ་ཐུབ་ན་ད་ཐེངས་རྩེ་རྒྱུ་ཡིན།།

རྩེ་མ་ཐུབ་ཚིག་གསུམ་བཤད་ལ་འགྲོ།།

ལས་གཞུག་ཐེངས་རྩེ་རྒྱུའི་ཡིད་སྨོན་གཏོང་།།

 

༡༩ཁིས་ཀྱི་ལབ་རྩེ་གཏོས་ཆེན་པོ།།

ངས་ཕར་ལམ་བལ་དཀར་རྨུ་ཐག་འཐེན།།

ཚུར་ལམ་ཤིང་སྣ་སྟོང་གིས་སྟོད།།

ཡུན་རིང་གི་སྟབས་ཀ་འགྲིག་སོང་ན།།

ངས་ཙན་དན་དམར་བོའི་མདའ་མོ་སྟོད།།

 

ཐང་གི་རྡེའུ་འབུམ་རྩིག་ཡག་པོ།།

ངས་ཕར་ལམ་རྡོ་དཀར་མང་བོ་བརྩིགས།།

ཚུར་ལམ་ལྕགས་རྩི་དཀར་བོ་རྒྱག།

ཡུན་རིང་གི་སྟབས་ཀ་འགྲིག་སོང་ན།།

ངས་འབྲུ་ཟན་སྣ་ལྔའི་སྙིང་གཏེར་འབུལ།།

 

སྡེ་ཡི་མ་ལོ་ཞེ་མཐུན་རོགས།།

ངས་ཕར་ལམ་པི་ཝང་ཕྲ་མོ་དཀྲོལ།།

ཚུར་ལམ་ཚིག་ཆེན་དོན་པ་བཤད།།

ཡུན་རིང་གི་རྩེ་རོགས་ཉན་སོང་ན།།

ངའི་ཡིད་ཀྱི་སེམས་གཏམ་ཁྱོད་ལ་བཤད།།

 

༢༠རྫ་ཆེན་རྫ་ཆུང་རྫ་ཡིས་བསྐོར།།

རྫ་སྟོད་གངས་རི་དཀར་བོས་བསྐོར།།

རྫ་སྐེད་བྱི་རུག་རྩྭ་ཡིས་བསྐོར།།

རྫ་འདབས་བྲེ་སེར་འབྲོང་གིས་བསྐོར།།

རྫ་ཁྱོད་ཚོར་འཛོམ་གསུམ་འཛོམས་ཡོད་ན།།

ང་འཛོམས་པོར་ཞེ་རེ་འཁོར་ཡོད།།

 

ཐང་ཆེན་ཐང་ཆུང་ཐང་གིས་བསྐོར།།

ཐང་སྟོད་མེ་ཏོག་པད་མས་བསྐོར།།

ཐང་སྐེད་གྲོ་རྒྱ་འདོ་བས་བསྐོར།།

ཐང་འདབས་གྲོ་ཞིང་གསེར་མས་བསྐོར།།

ཐང་ཁྱེད་ཚོར་འཛོམ་གསུམ་འཛོམས་ཡོད་ན།།

ང་འཛོམས་པོར་ཞེ་རེ་འཁོར་ཡོད།།

 

སྡེ་ཆེན་སྡེ་ཆུང་སྡེ་ཡིས་བསྐོར།།

སྡེ་སྟོད་དྲིན་ཆེན་ཕ་མས་བསྐོར།།

སྡེ་སྐེད་ཁ་ཡ་ན་ཟླས་བསྐོར།།

སྡེ་འདབས་ཞེ་འགྲོགས་མ་ལོས་བསྐོར།།

རོགས་ཁྱོད་ཚོར་འཛོམ་གསུམ་འཛོམས་ཡོད་ན།།

ང་འཛོམས་པོར་ཞེ་རེ་འཁོར་ཡོད།།

 

༢༡སྟོད་བྲག་དཀར་ལྷ་རིའི་མགོ་ནས།།

འབྲི་ཐུལ་མས་ངུར་རྒྱངས་བྱེད་གི།

ངས་དུང་དཀར་བཞོ་ཟེའུ་བསྒྲིགས་མེད།།

ངས་དུང་དཀར་བཞོ་ཟེའུ་བསྒྲིགས་བཏང་ན།།

འབྲི་ཐུལ་མ་འོ་ཡོད་ཡིན་དགོས།།

 

སྟོད་བྲག་དཀར་ལྷ་རིའི་སྐེད་ནས།།

རྟ་འདོ་བས་འཚེར་རྒྱངས་བྱེད་གི།

ངས་གསེར་སྒ་ཁྱུང་ཆེན་བསྒྲིགས་མེད།།

ངས་གསེར་སྒ་ཁྱུང་ཆེན་བསྒྲིགས་བཏང་ན།།

རྟ་འདོ་བ་འགྲོས་ཡོད་ཡིན་དགོས།།

 

སྟོད་བྲག་དཀར་ལྷ་རིའི་རི་ཞོལ་ནས།།

རོགས་ཆུང་ལོས་ལ་གཞས་ལེན་གི།

ངས་དངུལ་དཀར་རྒྱན་ཆ་བསྒྲིགས་མེད།།

ངས་དངུལ་དཀར་རྒྱན་ཆ་བསྒྲིགས་བཏང་ན།།

རོགས་ཆུང་ལོ་བློ་ཡོད་ཡིན་དགོས།།

 

༢༢སྟོད་ཨ་རིག་མཛོ་བརྒྱའི་ཁྱུ་ན།།

མཛོ་རྭ་ཚུགས་ཡག་ནོ་ཁྱོད་རེད།།

སྟོད་མཛོ་བརྒྱའི་ཁྱུ་ནས་ཁྱོད་བསལ།།

མཛོ་ཁྱུང་དཀར་བློ་ཡོད་ཡིན་དགོས།།

 

ས་བྱང་ལམ་རྟ་བརྒྱའི་ཁྱུ་ན།།

རྒྱུག་གོམ་ལག་བདེ་ནོ་ཁྱོད་རེད།།

བྱང་རྟ་བརྒྱའི་ཁྱུ་ནས་ཁྱོད་བསལ།།

རྟ་འདོ་བ་འགྲོས་ཡོད་ཡིན་དགོས།།

 

བོད་ཚོ་ཆེན་རོགས་བརྒྱའི་གྲས་ནས།།

རོགས་མ་ལོ་ཞེ་ཡོད་ཁྱོད་རེད།།

ཚོ་རོགས་བརྒྱའི་གྲས་ནས་ཁྱོད་བསལ།།

རོགས་མ་ལོ་སྣང་བ་མཐུན་དགོས།།

 

༢༣བྱ་རྨ་བྱ་ངེད་གཉིས་མཚོ་སྟོད་བརྒྱུད།།

ཉ་གསེར་མིག་ཁྱེད་གཉིས་མཚོ་སྨད་བརྒྱུད།།

ལས་སྨོན་ལམ་མཚོ་ཕྱོགས་གཅིག་ལ་འདེབས།།

སེམས་བསམ་པ་གཅིག་ན་ཐུག་འཕྲད་ཡོད།།

 

རྟ་འདོ་བ་ངེད་གཉིས་བྱང་སྟོད་བརྒྱུད།།

སྒ་བེ་སང་ཁྱེད་གཉིས་བྱང་སྨད་བརྒྱུད།།

ལས་སྨོན་ལམ་བྱང་ལམ་གཅིག་ལ་འདེབས།།

སེམས་བསམ་པ་གཅིག་ན་ཐུག་འཕྲད་ཡོད།།

 

རོགས་དགའ་ལོ་ངེད་གཉིས་སྡེ་སྟོད་བརྒྱུད།།

རོགས་མ་ལོ་ཁྱེད་གཉིས་སྡེ་སྨད་བརྒྱུད།།

ལས་སྨོན་ལམ་སྡེ་ཆེན་གཅིག་ལ་འདེབས།།

སེམས་བསམ་པ་གཅིག་ན་ཐུག་འཕྲད་ཡོད།།

 

༢༤ཁྱོད་ཕ་རིའི་མཚོ་ཡི་རྨ་བྱ།།

ཚུ་རིའི་མཚོ་ལ་ཨེ་འབབ།།

ཚུ་རིའི་མཚོ་ལ་འབབ་ན།།

བྱ་རྨ་བྱའི་སྒྲོ་མདོངས་གསལ་རྒྱུ་རེད།།

 

ཁྱོད་ཕ་རིའི་ཐང་གི་འདོ་བ།།

ཚུ་རིའི་ཐང་ལ་ཨེ་བརྒྱུག།

ཚུ་རིའི་ཐང་ལ་བརྒྱུག་ན།

རྟ་འདོ་བའི་གོམ་ལག་བདེ་རྒྱུ་རེད།།

 

ཁྱོད་ཕ་རིའི་སྡེ་ཡི་མ་ལོ།།

ཚུ་རིའི་སྡེ་ལ་ཨེ་རྩེ།།

ཚུ་རིའི་སྡེ་ལ་རྩེ་ན།།

རོགས་འུ་གཉིས་སྣང་བ་མཐུན་རྒྱུ་རེད།།

 

༢༥ས་དཔའ་རིས་སྤང་ལུང་གོང་མ་ན།།

གོས་གསེར་མ་ཆ་བདུན་རང་འགྲིག་སྣང་།།

གོས་ཉོ་རྒྱུའི་བསམ་པ་ཁྱོར་ཡོད་ན།།

དངུལ་དཀར་བོ་སྲང་ལ་ངས་འཇལ།།

 

ས་དཔའ་རིས་སྤང་ལུང་བར་མ་ན།།

རྟ་འདོ་བའི་གོམ་པ་རླུང་འདྲ་རེད།།

རྟ་ཉོ་རྒྱུའི་བསམ་པ་ཁྱོར་ཡོད་ན།།

ཕྲུག་ཐེར་མ་འདོམ་ལ་ངས་འཇལ།།

 

ས་དཔའ་རིས་སྤང་ལུང་ཞོལ་མ་ན།།

རོགས་མ་ལོ་སྣང་བ་རང་མཐུན་རེད།།

རོགས་རྩེ་རྒྱུའི་བསམ་པ་ཁྱོར་ཡོད་ན།།

ཁ་ལ་གཞས་རྩེ་རྔ་ངས་སྐྱོང་།།

 

༢༦གཞུའི་ཡ་མཆོག་ཤ་རྭ་དཀར་བོ་རེད།།

གཞུའི་མ་མཆོག་དགོ་རྭ་སྨུག་པོ་རེད།།

ཁ་གཞུ་ཐིག་ཕྲ་མོའི་ནང་རིམ་ན།།

མདའ་ལི་མའི་རྣམ་ཤེས་འཁོར་ནས་ཡོད།།

 

སྒའི་སྔ་རུ་འཛམ་གླིང་ཉི་མ་རེད།།

སྒའི་ཕྱི་རུ་དུང་ཟླ་དཀར་བོ་རེད།།

འདི་ཡོབ་ཆེན་གཉིས་ཀྱི་ནང་རིམ་ན།།

རྐང་སུག་ལག་རྣམ་ཤེས་འཁོར་ནས་ཡོད།།

 

སྡེ་ཡར་ནང་ཚིག་ཆེན་དོན་པོ་རེད།།

སྡེ་མར་ནང་པི་ཝང་སྙན་མོ་རེད།།

ཕོ་ངེད་ཚོའི་གངས་དཀར་སེམས་ངོས་ན།།

མ་ཁྱོད་ཚོའི་རྣམ་ཤེས་འཁོར་ནས་ཡོད།།

 

༢༧ཁྱོད་ཡར་བུད་གསེར་ཁྲི་ཁིས་ལ་བུད།།

ཁྱོས་ཡར་ལྟོས་གསེར་ལུང་ཐང་ལ་ལྟོས།།

གསེར་ལེབ་གཅིག་འཆར་ནས་དགུང་ལ་ཐལ།།

ཆགས་བཞ་ན་འཛམ་གླིང་ཉི་མ་རེད།།

 

ཁྱོད་ཕར་བུད་དུང་ཁྲི་ཁིས་ལ་བུད།།

ཁྱོས་ཕར་ལྟོས་དུང་ལུང་ཐང་ལ་ལྟོས།།

དུང་ལེབ་གཅིག་འཆར་ནས་དགུང་ལ་ཐལ།།

ཆགས་བཞག་ན་དུང་ཟླ་དཀར་བོ་རེད།།

 

ཁྱོད་མར་བུད་གཡུ་ཁྲི་ཁིས་ལ་བུད།།

ཁྱོས་མར་ལྟོས་གཡུ་ལུང་ཐང་ལ་ལྟོས།།

གཡུ་ལེབ་གཅིག་འཆར་ནས་ཐང་ལ་ཐལ།།

ཆགས་བཞག་ན་ཁ་ཡ་ན་ཟླ་རེད།།

 

༢༨བྱ་བསྟ་དེ་དགུང་ལ་སླེབས་ཡོད།།

བྱ་འཕུར་གྲོགས་མེད་ལ་སྒུག་ཡོད།།

བྱ་འཕུར་གྲོགས་ཡོད་ན་ད་འཕུར་ཡིན།།

 

རྟ་བརྒྱུགས་ནས་བྱང་ལ་སླེབས་ཡོད།།

རྟ་རྒྱུག་གྲོགས་མེད་ལ་སྒུག་ཡོད།།

རྟ་རྒྱུག་གྲོགས་ཡོད་ན་ད་བརྒྱུག་ཡིན།།

 

རོགས་རྩེས་ནས་སྡེ་ལ་སླེབས་ཡོད།།

རོགས་རྩེ་རོགས་མེད་ལ་སྒུག་ཡོད།།

རོགས་རྩེ་རོགས་ཡོད་ན་ད་རྩེ་ཡིན།།

 

༢༩བྱ་བསྟད་ནས་དགུང་ལ་སླེབས་ཡོད་ན།།

བྱ་འཕུར་གྲོགས་མེད་ལ་སྒུག་ཡོད་ན།།

བྱ་འཕུར་གྲོགས་ཐང་དཀར་ང་བྱེད།།

 

རྟ་བརྒྱུགས་ནས་བྱང་ལ་སླེབས་ཡོད་ན།།

རྟ་རྒྱུག་གྲོགས་མེད་ལ་སྒུག་ཡོད་ན།།

རྟ་རྒྱུག་གྲོགས་གྲོ་རྒྱ་ང་བྱེད།།

 

རོགས་རྩེས་ནས་ཚོ་ལ་སླེབས་ཡོད་ན།།

རོགས་རྩེ་གྲོགས་མེད་ལ་སྒུག་ཡོད།།

རོགས་རྩེ་གྲོགས་དགའ་ལོ་ང་བྱེད།།

 

༣༠དངུལ་དཀར་བོའི་མཛུབ་དཀྲིས་རྡུང་ཡག་པོ།།

གཡུ་བྱི་རུའི་པ་ཏྲ་བསྒྲིགས་ཡག་པོ།།

ཕོ་ངེད་ཚོས་རིག་ན་གོན་ན་འདོད།།

 

གོས་ཆེན་གསེར་མ་འཐག་ཡག་པོ།།

སྟེང་འབྲུག་ཁྱུང་རི་མོ་ཕབ་ཡག་པོ།།

ཕོ་ངེད་ཚོས་རིག་ན་གོན་ན་འདོད།།

 

ཡར་སྡེ་བའི་རོགས་ལོ་རྩེ་ཡག་པོ།།

ཁ་ལ་གཞས་ལེན་པའི་སྐད་ཡག་པོ།།

ཕོ་ངེད་ཚོས་རིག་ན་རྩེ་ན་འདོད།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལ་གཞས་མཐུན་པ་དྲུག་སྐོར་ལས། འགྲོག་པའི་སྐོར།༢

2008-12-28 བོད་མི་དམངས། ཀློག་གྲངས། མཆན ཡོད།

༡༦ཐང་དཀར་བྱ་དང་ངེད་གཉིས་ཀས།།

སྔ་དྲོར་བྲག་ལ་གཡས་སྐོར་རྒྱག།

ཕྱི་དྲོར་བྲག་ལ་གཡོན་སྐོར་རྒྱག།

བྲག་དཀར་བོ་སྨུག་པས་བཟུང་བཏང་ན།།

ང་དལ་མོ་མིན་ལ་བྲེལ་བ་ཡིན།།

 

གྲོ་རྒྱ་འདོ་བ་ངེད་གཉིས་ཀས།།

སྔ་མོར་བྱང་ལ་གཡས་སྐོར་རྒྱག།

ཕྱི་དྲོར་བྱང་ལ་གཡོན་སྐོར་རྒྱག།

ས་བྱང་ལམ་དར་དཀར་འཐེན་བཏང་ན།།

ང་དལ་མོ་མིན་ལ་བྲེལ་མོ་ཡིན།།

 

དགའ་ལོ་རོགས་དང་ངེད་གཉིས་ཀས།།

སྔ་མོར་སྡེ་ལ་གཡས་སྐོར་རྒྱག།

ཕྱི་དྲོར་སྡེ་ལ་གཡོན་སྐོར་རྒྱག།

སྡེའི་རོགས་བརྒྱ་མང་བོས་བསྐོར་བཏང་ན།།

ང་དལ་མོ་མིན་ལ་བྲེལ་མོ་ཡིན།།

 

༡༧བྲག་དཀར་བོ་ཨ་ལོང་ཉིས་ལོང་རེད།།

རྒོད་ཐང་དཀར་གཡངས་ལུང་གཡོན་ལུང་རེད།།

རྒོད་ཐང་དཀར་ཆ་ཡོད་ཆ་མེད་རེད།།

སྒང་གཅིག་ལ་སྟོད་དང་ཆ་ཡོད་རེད།།

 

ས་བྱང་ལམ་ཨ་ལོང་ཉིས་ལོང་རེད།།

རྟ་འདོ་བ་གཡས་ལུང་གཡོན་ལུང་རེད།།

རྟ་འདོ་བ་ཆ་ཡོད་ཆ་མེད་རེད།།

བྱང་གཅིག་ལ་རྒྱུགས་དང་ཆ་ཡོད་རེད།།

 

བོད་ཚོ་ཆེན་ཨ་ལོང་ཉིས་ལོང་རེད།།

རོགས་ན་ཟླ་གཡས་ལུང་གཡོན་ལུང་རེད།།

རོགས་ན་ཟླ་ཆ་ཡོད་ཆ་མེད་རེད།།

སྡེ་གཅིག་ནས་རྩེ་དང་ཆ་ཡོད་རེད།།

 

༡༨སྟོད་དབུས་གཙང་རྒྱུད་དུ་འགྲོ་དུས་ན།།

ངས་མ་མཇལ་ལྷ་ཞིག་ལུས་མེད་འདོད།།

ངས་བསམ་ནས་འདང་གསུམ་བརྒྱབ་ན།།

ང་མ་མཇལ་དགའ་ལྡན་གསེར་ཁྲི་སྣང་།།

མཇལ་ཐུབ་ན་ད་ཐེངས་མཇལ་རྒྱུ་ཡིན།།

མཇལ་མ་ཐུབ་ཕྱག་གསུམ་འཚལ་རྒྱུ་ཡིན།།

ལས་གཞུག་ཐེངས་མཇལ་བའི་ཡིད་སྨོན་གཏོང་།།

 

སྨད་རྒྱ་ནག་རྒྱུད་དུ་འགྲོ་དུས་ན།།

ངས་མ་ཉོས་གོས་ཤིག་ལུས་མེད་འདོད།།

ངས་བསམ་ནས་འདང་གསུམ་བརྒྱབ་ན།།

ངས་མ་ཉོས་གོས་ཆེན་གསེར་མ་སྣང་།།

ཉོ་ཐུབ་ན་ད་ཐེངས་ཉོ་རྒྱུ་ཡིན།།

ཉོ་མ་ཐུབ་གོང་ཐང་བཤེར་རྒྱུ་ཡིན།།

ལས་གཞུག་ཐེངས་ཉོ་རྒྱུའི་ཡིད་སྨོན་གཏོང་།།

 

བོད་ཚོ་ཆེན་རྒྱུད་དུ་འགྲོ་དུས་ན།

ང་མ་རྩེ་རོགས་ཤིག་ལུས་མེད་འདོད།།

ངས་བསམ་ནས་འདང་གསུམ་བརྒྱབ་ན།།

ང་མ་རྩེ་མ་ལོ་ཁྱེད་སྣང་།།

རྩེ་ཐུབ་ན་ད་ཐེངས་རྩེ་རྒྱུ་ཡིན།།

རྩེ་མ་ཐུབ་ཚིག་གསུམ་བཤད་ལ་འགྲོ།།

ལས་གཞུག་ཐེངས་རྩེ་རྒྱུའི་ཡིད་སྨོན་གཏོང་།།

 

༡༩ཁིས་ཀྱི་ལབ་རྩེ་གཏོས་ཆེན་པོ།།

ངས་ཕར་ལམ་བལ་དཀར་རྨུ་ཐག་འཐེན།།

ཚུར་ལམ་ཤིང་སྣ་སྟོང་གིས་སྟོད།།

ཡུན་རིང་གི་སྟབས་ཀ་འགྲིག་སོང་ན།།

ངས་ཙན་དན་དམར་བོའི་མདའ་མོ་སྟོད།།

 

ཐང་གི་རྡེའུ་འབུམ་རྩིག་ཡག་པོ།།

ངས་ཕར་ལམ་རྡོ་དཀར་མང་བོ་བརྩིགས།།

ཚུར་ལམ་ལྕགས་རྩི་དཀར་བོ་རྒྱག།

ཡུན་རིང་གི་སྟབས་ཀ་འགྲིག་སོང་ན།།

ངས་འབྲུ་ཟན་སྣ་ལྔའི་སྙིང་གཏེར་འབུལ།།

 

སྡེ་ཡི་མ་ལོ་ཞེ་མཐུན་རོགས།།

ངས་ཕར་ལམ་པི་ཝང་ཕྲ་མོ་དཀྲོལ།།

ཚུར་ལམ་ཚིག་ཆེན་དོན་པ་བཤད།།

ཡུན་རིང་གི་རྩེ་རོགས་ཉན་སོང་ན།།

ངའི་ཡིད་ཀྱི་སེམས་གཏམ་ཁྱོད་ལ་བཤད།།

 

༢༠རྫ་ཆེན་རྫ་ཆུང་རྫ་ཡིས་བསྐོར།།

རྫ་སྟོད་གངས་རི་དཀར་བོས་བསྐོར།།

རྫ་སྐེད་བྱི་རུག་རྩྭ་ཡིས་བསྐོར།།

རྫ་འདབས་བྲེ་སེར་འབྲོང་གིས་བསྐོར།།

རྫ་ཁྱོད་ཚོར་འཛོམ་གསུམ་འཛོམས་ཡོད་ན།།

ང་འཛོམས་པོར་ཞེ་རེ་འཁོར་ཡོད།།

 

ཐང་ཆེན་ཐང་ཆུང་ཐང་གིས་བསྐོར།།

ཐང་སྟོད་མེ་ཏོག་པད་མས་བསྐོར།།

ཐང་སྐེད་གྲོ་རྒྱ་འདོ་བས་བསྐོར།།

ཐང་འདབས་གྲོ་ཞིང་གསེར་མས་བསྐོར།།

ཐང་ཁྱེད་ཚོར་འཛོམ་གསུམ་འཛོམས་ཡོད་ན།།

ང་འཛོམས་པོར་ཞེ་རེ་འཁོར་ཡོད།།

 

སྡེ་ཆེན་སྡེ་ཆུང་སྡེ་ཡིས་བསྐོར།།

སྡེ་སྟོད་དྲིན་ཆེན་ཕ་མས་བསྐོར།།

སྡེ་སྐེད་ཁ་ཡ་ན་ཟླས་བསྐོར།།

སྡེ་འདབས་ཞེ་འགྲོགས་མ་ལོས་བསྐོར།།

རོགས་ཁྱོད་ཚོར་འཛོམ་གསུམ་འཛོམས་ཡོད་ན།།

ང་འཛོམས་པོར་ཞེ་རེ་འཁོར་ཡོད།།

 

༢༡སྟོད་བྲག་དཀར་ལྷ་རིའི་མགོ་ནས།།

འབྲི་ཐུལ་མས་ངུར་རྒྱངས་བྱེད་གི།

ངས་དུང་དཀར་བཞོ་ཟེའུ་བསྒྲིགས་མེད།།

ངས་དུང་དཀར་བཞོ་ཟེའུ་བསྒྲིགས་བཏང་ན།།

འབྲི་ཐུལ་མ་འོ་ཡོད་ཡིན་དགོས།།

 

སྟོད་བྲག་དཀར་ལྷ་རིའི་སྐེད་ནས།།

རྟ་འདོ་བས་འཚེར་རྒྱངས་བྱེད་གི།

ངས་གསེར་སྒ་ཁྱུང་ཆེན་བསྒྲིགས་མེད།།

ངས་གསེར་སྒ་ཁྱུང་ཆེན་བསྒྲིགས་བཏང་ན།།

རྟ་འདོ་བ་འགྲོས་ཡོད་ཡིན་དགོས།།

 

སྟོད་བྲག་དཀར་ལྷ་རིའི་རི་ཞོལ་ནས།།

རོགས་ཆུང་ལོས་ལ་གཞས་ལེན་གི།

ངས་དངུལ་དཀར་རྒྱན་ཆ་བསྒྲིགས་མེད།།

ངས་དངུལ་དཀར་རྒྱན་ཆ་བསྒྲིགས་བཏང་ན།།

རོགས་ཆུང་ལོ་བློ་ཡོད་ཡིན་དགོས།།

 

༢༢སྟོད་ཨ་རིག་མཛོ་བརྒྱའི་ཁྱུ་ན།།

མཛོ་རྭ་ཚུགས་ཡག་ནོ་ཁྱོད་རེད།།

སྟོད་མཛོ་བརྒྱའི་ཁྱུ་ནས་ཁྱོད་བསལ།།

མཛོ་ཁྱུང་དཀར་བློ་ཡོད་ཡིན་དགོས།།

 

ས་བྱང་ལམ་རྟ་བརྒྱའི་ཁྱུ་ན།།

རྒྱུག་གོམ་ལག་བདེ་ནོ་ཁྱོད་རེད།།

བྱང་རྟ་བརྒྱའི་ཁྱུ་ནས་ཁྱོད་བསལ།།

རྟ་འདོ་བ་འགྲོས་ཡོད་ཡིན་དགོས།།

 

བོད་ཚོ་ཆེན་རོགས་བརྒྱའི་གྲས་ནས།།

རོགས་མ་ལོ་ཞེ་ཡོད་ཁྱོད་རེད།།

ཚོ་རོགས་བརྒྱའི་གྲས་ནས་ཁྱོད་བསལ།།

རོགས་མ་ལོ་སྣང་བ་མཐུན་དགོས།།

 

༢༣བྱ་རྨ་བྱ་ངེད་གཉིས་མཚོ་སྟོད་བརྒྱུད།།

ཉ་གསེར་མིག་ཁྱེད་གཉིས་མཚོ་སྨད་བརྒྱུད།།

ལས་སྨོན་ལམ་མཚོ་ཕྱོགས་གཅིག་ལ་འདེབས།།

སེམས་བསམ་པ་གཅིག་ན་ཐུག་འཕྲད་ཡོད།།

 

རྟ་འདོ་བ་ངེད་གཉིས་བྱང་སྟོད་བརྒྱུད།།

སྒ་བེ་སང་ཁྱེད་གཉིས་བྱང་སྨད་བརྒྱུད།།

ལས་སྨོན་ལམ་བྱང་ལམ་གཅིག་ལ་འདེབས།།

སེམས་བསམ་པ་གཅིག་ན་ཐུག་འཕྲད་ཡོད།།

 

རོགས་དགའ་ལོ་ངེད་གཉིས་སྡེ་སྟོད་བརྒྱུད།།

རོགས་མ་ལོ་ཁྱེད་གཉིས་སྡེ་སྨད་བརྒྱུད།།

ལས་སྨོན་ལམ་སྡེ་ཆེན་གཅིག་ལ་འདེབས།།

སེམས་བསམ་པ་གཅིག་ན་ཐུག་འཕྲད་ཡོད།།

 

༢༤ཁྱོད་ཕ་རིའི་མཚོ་ཡི་རྨ་བྱ།།

ཚུ་རིའི་མཚོ་ལ་ཨེ་འབབ།།

ཚུ་རིའི་མཚོ་ལ་འབབ་ན།།

བྱ་རྨ་བྱའི་སྒྲོ་མདོངས་གསལ་རྒྱུ་རེད།།

 

ཁྱོད་ཕ་རིའི་ཐང་གི་འདོ་བ།།

ཚུ་རིའི་ཐང་ལ་ཨེ་བརྒྱུག།

ཚུ་རིའི་ཐང་ལ་བརྒྱུག་ན།

རྟ་འདོ་བའི་གོམ་ལག་བདེ་རྒྱུ་རེད།།

 

ཁྱོད་ཕ་རིའི་སྡེ་ཡི་མ་ལོ།།

ཚུ་རིའི་སྡེ་ལ་ཨེ་རྩེ།།

ཚུ་རིའི་སྡེ་ལ་རྩེ་ན།།

རོགས་འུ་གཉིས་སྣང་བ་མཐུན་རྒྱུ་རེད།།

 

༢༥ས་དཔའ་རིས་སྤང་ལུང་གོང་མ་ན།།

གོས་གསེར་མ་ཆ་བདུན་རང་འགྲིག་སྣང་།།

གོས་ཉོ་རྒྱུའི་བསམ་པ་ཁྱོར་ཡོད་ན།།

དངུལ་དཀར་བོ་སྲང་ལ་ངས་འཇལ།།

 

ས་དཔའ་རིས་སྤང་ལུང་བར་མ་ན།།

རྟ་འདོ་བའི་གོམ་པ་རླུང་འདྲ་རེད།།

རྟ་ཉོ་རྒྱུའི་བསམ་པ་ཁྱོར་ཡོད་ན།།

ཕྲུག་ཐེར་མ་འདོམ་ལ་ངས་འཇལ།།

 

ས་དཔའ་རིས་སྤང་ལུང་ཞོལ་མ་ན།།

རོགས་མ་ལོ་སྣང་བ་རང་མཐུན་རེད།།

རོགས་རྩེ་རྒྱུའི་བསམ་པ་ཁྱོར་ཡོད་ན།།

ཁ་ལ་གཞས་རྩེ་རྔ་ངས་སྐྱོང་།།

 

༢༦གཞུའི་ཡ་མཆོག་ཤ་རྭ་དཀར་བོ་རེད།།

གཞུའི་མ་མཆོག་དགོ་རྭ་སྨུག་པོ་རེད།།

ཁ་གཞུ་ཐིག་ཕྲ་མོའི་ནང་རིམ་ན།།

མདའ་ལི་མའི་རྣམ་ཤེས་འཁོར་ནས་ཡོད།།

 

སྒའི་སྔ་རུ་འཛམ་གླིང་ཉི་མ་རེད།།

སྒའི་ཕྱི་རུ་དུང་ཟླ་དཀར་བོ་རེད།།

འདི་ཡོབ་ཆེན་གཉིས་ཀྱི་ནང་རིམ་ན།།

རྐང་སུག་ལག་རྣམ་ཤེས་འཁོར་ནས་ཡོད།།

 

སྡེ་ཡར་ནང་ཚིག་ཆེན་དོན་པོ་རེད།།

སྡེ་མར་ནང་པི་ཝང་སྙན་མོ་རེད།།

ཕོ་ངེད་ཚོའི་གངས་དཀར་སེམས་ངོས་ན།།

མ་ཁྱོད་ཚོའི་རྣམ་ཤེས་འཁོར་ནས་ཡོད།།

 

༢༧ཁྱོད་ཡར་བུད་གསེར་ཁྲི་ཁིས་ལ་བུད།།

ཁྱོས་ཡར་ལྟོས་གསེར་ལུང་ཐང་ལ་ལྟོས།།

གསེར་ལེབ་གཅིག་འཆར་ནས་དགུང་ལ་ཐལ།།

ཆགས་བཞ་ན་འཛམ་གླིང་ཉི་མ་རེད།།

 

ཁྱོད་ཕར་བུད་དུང་ཁྲི་ཁིས་ལ་བུད།།

ཁྱོས་ཕར་ལྟོས་དུང་ལུང་ཐང་ལ་ལྟོས།།

དུང་ལེབ་གཅིག་འཆར་ནས་དགུང་ལ་ཐལ།།

ཆགས་བཞག་ན་དུང་ཟླ་དཀར་བོ་རེད།།

 

ཁྱོད་མར་བུད་གཡུ་ཁྲི་ཁིས་ལ་བུད།།

ཁྱོས་མར་ལྟོས་གཡུ་ལུང་ཐང་ལ་ལྟོས།།

གཡུ་ལེབ་གཅིག་འཆར་ནས་ཐང་ལ་ཐལ།།

ཆགས་བཞག་ན་ཁ་ཡ་ན་ཟླ་རེད།།

 

༢༨བྱ་བསྟ་དེ་དགུང་ལ་སླེབས་ཡོད།།

བྱ་འཕུར་གྲོགས་མེད་ལ་སྒུག་ཡོད།།

བྱ་འཕུར་གྲོགས་ཡོད་ན་ད་འཕུར་ཡིན།།

 

རྟ་བརྒྱུགས་ནས་བྱང་ལ་སླེབས་ཡོད།།

རྟ་རྒྱུག་གྲོགས་མེད་ལ་སྒུག་ཡོད།།

རྟ་རྒྱུག་གྲོགས་ཡོད་ན་ད་བརྒྱུག་ཡིན།།

 

རོགས་རྩེས་ནས་སྡེ་ལ་སླེབས་ཡོད།།

རོགས་རྩེ་རོགས་མེད་ལ་སྒུག་ཡོད།།

རོགས་རྩེ་རོགས་ཡོད་ན་ད་རྩེ་ཡིན།།

 

༢༩བྱ་བསྟད་ནས་དགུང་ལ་སླེབས་ཡོད་ན།།

བྱ་འཕུར་གྲོགས་མེད་ལ་སྒུག་ཡོད་ན།།

བྱ་འཕུར་གྲོགས་ཐང་དཀར་ང་བྱེད།།

 

རྟ་བརྒྱུགས་ནས་བྱང་ལ་སླེབས་ཡོད་ན།།

རྟ་རྒྱུག་གྲོགས་མེད་ལ་སྒུག་ཡོད་ན།།

རྟ་རྒྱུག་གྲོགས་གྲོ་རྒྱ་ང་བྱེད།།

 

རོགས་རྩེས་ནས་ཚོ་ལ་སླེབས་ཡོད་ན།།

རོགས་རྩེ་གྲོགས་མེད་ལ་སྒུག་ཡོད།།

རོགས་རྩེ་གྲོགས་དགའ་ལོ་ང་བྱེད།།

 

༣༠དངུལ་དཀར་བོའི་མཛུབ་དཀྲིས་རྡུང་ཡག་པོ།།

གཡུ་བྱི་རུའི་པ་ཏྲ་བསྒྲིགས་ཡག་པོ།།

ཕོ་ངེད་ཚོས་རིག་ན་གོན་ན་འདོད།།

 

གོས་ཆེན་གསེར་མ་འཐག་ཡག་པོ།།

སྟེང་འབྲུག་ཁྱུང་རི་མོ་ཕབ་ཡག་པོ།།

ཕོ་ངེད་ཚོས་རིག་ན་གོན་ན་འདོད།།

 

ཡར་སྡེ་བའི་རོགས་ལོ་རྩེ་ཡག་པོ།།

ཁ་ལ་གཞས་ལེན་པའི་སྐད་ཡག་པོ།།

ཕོ་ངེད་ཚོས་རིག་ན་རྩེ་ན་འདོད།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།