ཉེ་ཆར། རྨ་ཆུ་རྫོང་མཁར་གྱི་ནུབ་བྱང་ཁུལ་དུ་ཤྭ་འོད་ཀྱི་འཇིག་པ་བྱུང་ནས་བྱིས་པ་ལྔ་ཆུས་ཁུར་བ་དང་སྡོད་འབངས་ཀྱི་འཚོ་བར་གནོད་པ་ཚབས་ཆེན་ཐེབས་རྗེས་སྤྱི་ཚོགས་ཀྱི་ལས་རིགས་སོ་སོ་དང་རིམ་པ་ཁག་གི་སྲིད་འཛིན་སྡེ་ཁག་གིས་གནོད་ཐེབས་མང་ཚོགས་ལ་བསྟུད་མར་རོགས་རམ་བྱས་རྗེས། རྨ་ཆུ་རྫོང་མཁར་དུ་ཡོད་པའི་མགར་སྟོང་བཙན་གླུ་གར་ཁམས་གསེང་གླིང་ཞེས་པས་སླར་ཡང་རོགས་སྐྱོར་བྱ་ཆེད་རྨ་ཆུ་རྫོང་གི་སྐད་གྲགས་ཆེ་བའི་གླུ་བ་རྡོ་བསྟན་པ་དར་རྒྱས་དང་། རྨ་ཆུའི་བསམ་གཏན། དགའ་ལྡན། སློབ་དཔོན་སོགས་གདན་འདྲེན་བྱས་ཏེ་བསྟུད་མར་ཉིན་གསུམ་གྱི་རིང་ལ་བྱམས་དང་སྙིང་རྗེའི་རོགས་སྐྱོར་དགུང་ཚོགས་ཞེས་པ་བསྡུས་པ་དང་དེའི་ཡོང་འབབ་ཀྱི་དངུལ་ཁྲི་གཉིས་ལ་ཉེ་བ་འཁྲབ་སྟོན་གྱི་ཡུལ་དངོས་ནས་གནོད་པ་ཐེབས་པའི་མང་ཚོགས་ལ་གནང་སྦྱིན་བྱས།

གླུ་གར་གླིང་དེའི་སྦྱིན་བདག་མགར་ཨ་སངས་ལགས་ཀྱིས་དེ་ལྟ་བུའི་བྱ་འགུལ་ལ་བརྟེན་ནས་སྤྱི་ཚོགས་འཆམ་མཐུན་དང་མི་དང་མིའི་བར་གྱི་འབྲེལ་བ་ལེགས་བཅོས་ཡོང་རྒྱུ་དེ་མི་རང་རང་གི་བྱ་སྤྱོད་དངོས་ལ་བརྟེན་དགོས་ཞེས་འགྲེལ་བརྗོད་གནང་སོང་།

རྩོམ་ཁུངས། ངེད་དྲ་བ།