ཟླ་༡༡་པའི་ཚེས་༡༧ཉིན། རྨ་ལྷོ་ཚགས་པར་ཁང་གིས་བསྒྲུབས་པའི་རང་གྲོལ་དུས་དེབ་སྒྲུབ་སྟངས་བགྲོ་གླེང་ཚོགས་འདུ་དེ་རྨ་ལྷོ་ནས་འཚོགས་ཡོད་པ་རེད། ཚོགས་འདུའི་སྟེང་བོད་ཀྱི་རྩོམ་པ་པོ་གངས་ཞུན་དང་པདྨ་ཚེ་བརྟན། ཁྱུང་ཐར་རྒྱལ་སོགས་དང་བོད་ཀྱི་རྩོམ་རིག་ལ་དུང་ཞེན་ཅན་སོགས་ཁྱོན་དུ་མི་གྲངས་༤༠ཡས་མས་འདུས་ཡོད་པ་རེད།
      རང་གྲོལ་དུས་དེབ་ནི་མཚོ་སྔོན་ཞིང་ཆེན་རིག་གནས་ཐིང་དང་གསར་འགྱུར་པར་སྐྲུན་ཐིང་གིས་མཆོག་མཆན་ཐོབ་ཡོད་པའི་དུས་དེབ་ཅིག་ཡིན་པ་དང་། རྨ་ལྷོ་ཁུལ་ཨུའི་དྲིལ་བསྒྲགས་པུའུ་ཡིས་འགན་བཞེས་ཤིང་རྨ་ལྷོ་ཚགས་པར་ཁང་གིས་གཙོ་སྒྲུབ་བྱེད་རྒྱུ་ཡིན་པའི་བོད་ཀྱི་རྩོམ་རིག་བགྲོ་གླེང་ཐད་ཀྱི་དུས་དེབ་ཅིག་ཡིན། ཚོགས་ཞུགས་པ་དག་གིས་རང་གྲོལ་ཞེས་པའི་དུས་དེབ་སྒྲུབ་སྟངས་ཐད་ལ་རང་གི་བསམ་འཆར་ལྷུག་པོར་བརྗོད་དེ་མ་འོངས་པར་དུས་དེབ་དེ་ཉིད་བོད་ཁམས་ཀྱི་ཆེས་བཟང་པའི་རྩོམ་རིག་བགྲོ་གླེང་དུས་དེབ་ཅིག་འགྱུར་ཐུབ་པར་སྨོན་གྱིན་ཡོད།
 
  རྨ་ལྷོ་ཚགས་པར་ཁང་གི་གཙོ་སྒྲིག་པ་རིན་ཆེན་རྡོ་རྗེ།
 
  ཧི་མ་ལ་ཡ་གློག་བརྙན་མཐུན་གཉེར་ལས་ཁུངས་ཀྱི་་གཙོ་འགན་དང་སྙན་ངག་པ་གངས་ཞུན།
 
   རྩོམ་པ་པོ་རིན་ཆེན་རྒྱལ་པོ།
  
  རྩོམ་པ་པོ་རྡོ་རྗེ་གཅོད་པ།
 
   སྙན་ངག་པ་བདེ་སྐྱིད་སྒྲོལ་མ།
 
  མི་རབས་གསུམ་པའི་སྙན་ངག་པ་རེ་རྐང་གླིང་།

རྩོམ་ཁུངས། ངེད་དྲ་བ།