ཉེ་ཆར། ཨ་རིའི་ཀུ་ཤུ་ཀུང་ཟིའི་མཉེན་ཆས་ཚོང་ཁང་དུ་བོད་ཡིག་གི་ཚིག་མཛོད་ཅིག་བཀྲམས། ཚིག་མཛོད་དེ་འགྲེམ་པ་པོ་Tim Lewisཟེར་བ་ཡིན་ཞིང་ཀུ་ཤུ་ཀུང་ཟིའི་ཐོན་རྫས་སྟེ་ཁ་པར་iPhoneདང་། ལག་འཛིན་ཡོ་བྱད་iPod Touch ཡང་ན་མཐེབ་གཞུང་མེད་པའི་རྩིས་འཁོར་iPadསོགས་ཀྱི་མ་ལག་4.2ཡན་ཆད་ཡིན་པའི་ནང་རིན་མེད་དུ་ཐད་ཀར་ཕབ་ལེན་བྱ་ཆོག ཚིག་མཛོད་དེའི་མིང་ལ་ཕུར་བ་ཟེར་ཞིང་ཀུ་ཤུའི་ཀུང་ཟིའི་མཉེན་ཆས་ཚོང་ཁང་apple storeནས་དབྱིན་ཡིག་གིསphurbaཞེས་བཙལ་ཚེ་དེ་ཉིད་ཚེགས་མེད་དུ་རྙེད་ཐུབ། མཉེན་ཆས་དེའི་ནང་དུ<<བོད་རྒྱ་ཚིག་མཛོད་ཆེན་མོ>>དང་། <<དབྱིན་བོད་ཚིག་མཛོད་གསར་བ>> <<རྒྱ་བོད་དབྱིན་གསུམ་གསར་བྱུང་རྒྱུན་བཀོལ་མིང་མཛོད>> <<རང་བྱུང་ཡེ་ཤེས>>ཟེར་བ་བཅས་ཚིག་མཛོད་བཞི་འདུས་ཤིང་ངོས་གཙང་ལ་གྲ་དག་པས་ཤིན་ཏུ་བཀོལ་བདེ་བོར་འདུག་གོ།

རྩོམ་ཁུངས། ངེད་དྲ་བ།