ཡང་འདི་སྐད་ཐོས་ཏེ། སེང་རྡོར་གྱི་དེབ་གསར<<རྩོམ་རྒོད་ཐག་དྲུད་མ>>ཞེས་པ་མི་རིང་བར་ཟི་ལིང་གཙོས་པའི་ས་ཆ་འགའ་ཞིག་གི་དཔེ་འཚོང་ཁང་དག་ལ་འཐོན་རྒྱུ་རེད་ཟེར། དེབ་འདིའི་རྩོམ་ཡིག་མང་ཆེར་དཔེ་སྐྲུན་ཁང་མང་པོས་བས་མཐར་སྤྱུགས་པ་དག་ཡིན་ཅིང་། ཚད་ངེས་ཅན་ཞིག་ནས་སེང་རྡོར་གྱི་ཡི་གེ་ཕལ་གྱི་གཞི་རྩའི་ཉིང་བཅུད་དུའང་གྱུར་ཡོད་སྐད། དེབ་འདིར་ཤོག་ངོས་ཉིས་བརྒྱར་ཉེ་བ་ཡོད་ཅིང་། རྩོམ་ལུས་སམ་དུམ་ཚན་ནི་ཐོལ་ལྷུག་སྙན་འདྲི་ཞེས་པའི་ཚན་པ་བཞིར་བཀར་ཡོད་པ་ཞིག་རེད་ཟེར། གྲགས་ཆེ་བའི་རྩོམ་ཡིག་ལ། <<དུས་དྲན་དང་རོལ་དབྱངས>>ཞེས་པའི་བཅད་གསར་སྙན་ངག་རིང་མོ་དེ་དང་། <<རྒྱང་འབྲོག་གི་དབྱར་ཁ>>ཞེས་པའི་ལྷུག་རྩོམ་སྙན་ངག་ཐུང་ངུ་དེ། གསར་འགོད་པ་ཁྲི་སེམས་དཔས་བཅར་འདྲི་བྱས་པའི<<སོ་སྐྱེས་སྐད་སྒྲའི་ཐད་ཀྱི་ཡི་གེ་ཆིག་ཐུབ་མ།>>སོགས་ཡོད་ཅིང་། སེང་རྡོར་སྙན་ངག་གི་ཞིབ་འཇུག་པ་ཆེ་གེ་མོས་དྲིས་པའི<<སྙན་ངག་སྐོར་གྱི་ཇ་ཞོར་ཁ་བརྡ>>སོགས་ཀྱང་བདམས་ཡོད་པ་རེད་ཟེར།
 




 

རྩོམ་ཁུངས། ངེད་དྲ་བ།