ཉེ་ཆར། བོད་ཡིག་གི་ལམ་ནས་བརྩམས་སྒྲུང་རྩོམ་མཁན་ཚེ་རིང་དོན་གྲུབ་ལགས་ཀྱིས་བརྩམས་པའི་སྒྲུང་ཐུང༼Dསྡེ་བའི་ཀླན་ཀ༽ཞེས་པར་རྒྱལ་ཡོངས་ཀྱི་སྐབས་དང་པོའི་སོག་ཡིག་གི་དྲ་རྩོམ་འགྲན་སྡུར་ཁྲོད་བརྩམས་སྒྲུང་གི་བྱ་དགའ་ཨང་དང་པོ་ཐོབ་པ་རེད།
    སྒྲུང་ཐུང་དེ་དེ་སྔ༼ཚེ་རིང་དོན་གྲུབ་ཀྱི་སྒྲུང་ཐུང་ཕྱོགས་བསྒྲིགས༽ཞེས་པའི་དེབ་དེའི་ནང་བདམས་ཡོད།  དེ་ཉིད་ཁོང་གིས་༡༩༨༨ལོར་བརྩམས་ཏེ་ལོ་དེའི༼སྦྲང་ཆར༽དེབ་གཉིས་པ་རུ་བཀོད་པ་དང། ༡༩༩༠ལོར་རྩོམ་པ་པོ་ཁོང་གིས་རྒྱ་ཡིག་ཏུ་བསྒྱུར་ཏེ༼མཚོ་སྔོན་པོ༽ཞེས་པའི་དུས་དེབ་ཏུ་བཀོད་ཡོད། ༡༩༩༢ལོར་ནུབ་བྱང་མི་རིགས་སློབ་གྲྭ་ཆེན་མོའི་དགེ་རྒན་ཚེ་ཕྱུག་གིས་རྒྱ་ཡིག་ནས་སོག་ཡིག་ཏུ་བསྒྱུར་ཏེ་སོག་ཡིག་གི་དུས་དེབ༼ཚ་འདམ་གཞུང༽ཞེས་པར་བཀོད་པ་དང་། ༢༠༠༨ལོའི་ཟླ་༧པའི་ཚེས་༡༧ཉིན་གྱི་སོག་ཡིག་གི་༼ནང་སོག་ཉིན་རེའི་ཚགས་པར༽དུ་བརྒྱུད་འགོད་བྱས་ཡོད་ཅིང་། ༡༩༩༦ལོར་ཞིན་ཅང་མི་དམངས་དཔེ་སྐྲུན་ཁང་གིས་པར་དུ་བསྐྲུན་པའི་སོག་ཡིག་གི༼ཨོ་རོད་དེང་རབས་བརྩམས་སྒྲུང་དང་ལྷུག་རྩོམ་བདམས་བཀོད༽ཅེས་པའི་དེབ་ཏུ་བདམས་ཡོད། ༢༠༡༡ལོར་ནང་སོག་རིག་གནས་དཔེ་སྐྲུན་ཁང་གིས་པར་དུ་བསྐྲུན་པའི༼ཚེ་རིང་དོན་གྲུབ་ཀྱི་བརྩམས་སྒྲུང་བདམས་སྒྲིག༽ཅེས་པའི་སོག་ཡིག་གི་དེབ་ཏུའང་བདམས་ཡོད།
    དེ་མིན་སྒྲུང་ཐུང་དེ་༢༠༠༥ལོར་པེ་ཅིང་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི་བོད་སྐད་ཀྱི་སློབ་གྲྭ་ཆེན་མོའི་བསླབ་གཞི༼དེང་རྩོམ་གཅེས་སྒྲིག༽ཅེས་པ་དང་། ༢༠༠༦ལོར་ཞིང་ལྗོངས་ལྔའི་མཉམ་སྒྲིག་བསླབ་གཞི་སློབ་ཆུང་ལོ་རིམ་བརྒྱད་པའི་སྐད་ཡིག་གི་སྨད་ཆ་ལའང་བདམས་འདུག

རྩོམ་ཁུངས། ངེད་དྲ་བ།