སྐད་ཡིག་བླ་འགུགས་བགྲོ་གླེང་འཚོགས་འདུ་སྐབས་བཞི་བ་གཅན་ཚ་ནས་འཚོགས་པ།

  
  གཅན་ཚ་རྫོང་མི་རིགས་སློབ་འབྲིང་གཉིས་པའི་སྐད་ཡིག་བླ་འགུགས་བགྲོ་གླེང་ཚོགས་འདུ་སྐབས་བཞི་བ་དེ་བོད་ཀྱི་རྩོམ་པ་པོ་གྲགས་ཅན་དང་།   སློབ་གྲྭ་ཆུང་འབྲིང་གི་སློབ་ཚན་རྩོམ་མཁན་སྐུ་ཞབས་དོན་གྲུབ་རྒྱལ་ལགས་ང་ཚོ་དང་ཞལ་གྱེས་ནས་ལོ་ངོ་ཉེར་དྲུག་འགོར་བའི་ཉིན་མོ་དང་ཐག་ཉེ་བའི་སྤྱི་ཟླ་༡༡པའི་ཚེས་༢༧ཉིན་གཅན་ཚ་རྫོང་མཁར་གྱི་ཁམས་ར་མགྲོན་ཁང་ནས་འཚོགས་བྱུང་།     ཚོགས་འདུ་གོ་སྒྲིག་པས་འདི་ལྟའི་བགྲོ་གླེང་ཚོགས་འདུ་ཞིག་འཚོག་པའི་དམིགས་ཡུལ་ནི།  གཅིག་ན་བོད་ཀྱི་སྐད་ཡིག་སློབ་གསོའི་བསྟན་པ་ཇེ་དར་དུ་གཏོང་བའི་ཆེད་དང་།   གཉིས་སུ་རྨ་ཆུ་དང་དགུ་ཆུའི་འགྲམ་རྒྱུད་དུ་གནས་པའི་འབའ་རྫོང་དང་རེབ་གོང་།   གཅན་ཚ་གསུམ་གྱི་སྐད་ཡིག་དགེ་རྒན་རྣམས་གདན་ཞུས་ཀྱིས།   ཕན་ཚུན་ངོ་ཤེས་དང་བསམ་བློ་གཅིག་གྱུར་འབྱུང་བར་དམིགས་པ་ཡིན་ལ།  ཚོགས་འདུའི་རྩ་དོན་ནི་རྒྱལ་ཁབ་དང་ཚོགས་པ།  མགོ་ཁྲིད།  སྤྱི་ཚོགས།  ཁྱིམ་བདག་དང་སློབ་མ་བཅས་ལ་ཁག་མི་འཇོག་པར་དགེ་རྒན་རང་སྟེང་ནས་རྒྱུ་རྐྱེན་འཚོལ་བ་དང་།  རང་སྟེང་ནས་བསྒྲུབ་དགོས་པའི་བྱ་བ་ངོས་ཟིན་རྒྱུ་དེ་ཡིན་ཚུལ་གསུངས་སོང་།   
  ཚོགས་ཐོག་ཏུ་ཁྱོན་བསྡོམས་ས་ཁུལ་གསུམ་གྱི་དགེ་རྒན་ཉིས་བརྒྱ་ལྷག་ཞུགས་ཡོད་པ་དང་།   གདན་ཞུས་སྐུ་མགྲོན་མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་གཅན་ཚ་བཀྲ་བྷོ་ལགས་དང་།   སྐྱ་རེངས་དཔལ་ལོ།  རྨེ་རུ་ཡུལ་ལྷ་ཐར་གསུམ་གྱིས་སོ་སོར་བོད་ཀྱི་སློབ་གྲྭ་ཆུང་འབྲིང་གི་སློབ་མའི་རྩོམ་ཡིག་འབྲི་སྦྱོང་དང་དགེ་རྒན་གྱི་སྐད་ཆ།  གཞི་རིམ་སྐད་ཡིག་འཕེལ་རྒྱས་བཅས་གསུམ་ཐད་ནས་གཏམ་རུས་པ་ཅན་མང་བོ་གསུངས་བྱུང་ལ།  གཞན་ཡང་རྨ་ལྷོ་ཁུལ་སློབ་འབྲིང་གཉིས་པའི་དགེ་རྒན་བླ་མ་སྐྱབས་དང་།  རྨ་ལྷོ་ཁུལ་སློབ་འབྲིང་དང་པོའི་དགེ་རྒན་ཤ་བོ་རྒྱལ་དང་།   འབའ་རྫོང་སྟག་གསོད་བཅའ་སྡོད་སློབ་གྲྭའི་དགེ་རྒན་ལྷ་མགོན།  གཅན་ཚ་རྫོང་མི་རིགས་སློབ་འབྲིང་དང་པོའི་དགེ་རྒན་ཕག་མོ་བསམ་གྲུབ།  གཅན་ཚ་རྫོང་མི་རིགས་སློབ་འབྲིང་གཉིས་པའི་དགེ་རྒན་ཚེ་རིང་བཀྲ་ཤིས་དང་།  གུ་རུ་དོན་གྲུབ།  ཚེ་གཟུངས་ཐར།   གཅན་ཚ་རྫོང་ཆ་ཚང་སློབ་ཆུང་གཉིས་པའི་དགེ་རྒན་གཅན་རྣམ་ཐར་བཅས་ཀྱིས་གཞི་རིམ་སློབ་གསོ་དང་ཁྱད་པར་དུ་སློབ་གྲྭ་ཆུང་འབྲིང་གི་སྐད་ཡིག་སློབ་ཁྲིད་ཐད་ནས་རང་རང་གི་ལྟ་ཚུལ་དང་དྲན་ཚུལ་གླེང་སོང་།   ད་ཐེངས་ཀྱི་ཚོགས་འདུ་ནི་གཞུང་ཕྱོགས་ཀྱི་ཚོགས་འདུ་ཆེ་མ་ཆུང་གསུམ་དང་མི་འདྲ་བར་ཚོགས་ཞུགས་མི་སྣ་ཡོངས་ཀྱིས་ནན་ཏན་གྱིས་གཏམ་བཤད་ལ་ཉན་པ་དང་ཟིན་བྲིས་འདེབས་པ་ལས་ཁ་པར་སྣེ་ལེན་དང་དུ་བ་འཐེན་པ།  ཕན་ཚུན་ཁ་བརྡ་བྱེད་པ་སོགས་ཀྱི་སྣང་ཚུལ་མཐོང་རྒྱུ་མེད་པས་ངོ་མས་ཉམས་དགའ་བ་ཞིག་རེད།
  མཇུག་མཐར་ཚོགས་འདུ་གཙོ་སྐྱོང་གནང་མཁན་གཅན་ཚ་རྫོང་མི་རིགས་སློབ་འབྲིང་གཉིས་པའི་སློབ་གཙོ་དང་།  བོད་ཀྱི་སློབ་འབྲིང་སློབ་གསོ་ཞིབ་འཇུག་པ་དོ་རྒྱ་བསོད་ནམས་ཚེ་རིང་ལགས་ཀྱིས་མཇུག་བསྡུ་བའི་གཏམ་བཤད་གནང་ཞིང་།  ཐེངས་འདིའི་ཚོགས་འདུའི་སྐབས་གཙོ་བོར་གླེང་སློང་བྱས་པའི་གནད་དོན་ཆེ་ཁག་གསུམ་སྟེ་བསླབ་ཚན་གྱི་ངོས་འཛིན་དང་།  སློབ་ཁྲིད་ཀྱི་ཐབས་བཀོད།   དགེ་རྒན་གྱི་ལས་རིགས་ཀུན་སྤྱོད་གསུམ་ཐད་ནས་མདོར་བསྡུས་ཤིང་བཅུད་འདུས་པའི་སྤྱི་སྡོམ་བྱས་མཐར།  ཚོགས་ཞུགས་དགེ་རྒན་རྣམས་ལ་རྟིང་སྐུལ་དང་།   རྗེས་མར་མི་རིགས་སློབ་འབྲིང་གཞན་དག་གིས་ཀྱང་རང་འགན་ཁུར་དུ་བླངས་ནས་འདི་ལྟའི་བགྲོ་གླེང་ཚོགས་འདུ་རེ་འཚོག་རྒྱུའི་རེ་བ་བཏོན་པ་དང་འབྲེལ་ནས་ཚོགས་འདུ་མཇུག་བསྡུ་བའི་བཀྲ་ཤིས་བཞག་སོང་།
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྐད་ཡིག་བླ་འགུགས་བགྲོ་གླེང་འཚོགས་འདུ་སྐབས་བཞི་བ་གཅན་ཚ་ནས་འཚོགས་པ།

  
  གཅན་ཚ་རྫོང་མི་རིགས་སློབ་འབྲིང་གཉིས་པའི་སྐད་ཡིག་བླ་འགུགས་བགྲོ་གླེང་ཚོགས་འདུ་སྐབས་བཞི་བ་དེ་བོད་ཀྱི་རྩོམ་པ་པོ་གྲགས་ཅན་དང་།   སློབ་གྲྭ་ཆུང་འབྲིང་གི་སློབ་ཚན་རྩོམ་མཁན་སྐུ་ཞབས་དོན་གྲུབ་རྒྱལ་ལགས་ང་ཚོ་དང་ཞལ་གྱེས་ནས་ལོ་ངོ་ཉེར་དྲུག་འགོར་བའི་ཉིན་མོ་དང་ཐག་ཉེ་བའི་སྤྱི་ཟླ་༡༡པའི་ཚེས་༢༧ཉིན་གཅན་ཚ་རྫོང་མཁར་གྱི་ཁམས་ར་མགྲོན་ཁང་ནས་འཚོགས་བྱུང་།     ཚོགས་འདུ་གོ་སྒྲིག་པས་འདི་ལྟའི་བགྲོ་གླེང་ཚོགས་འདུ་ཞིག་འཚོག་པའི་དམིགས་ཡུལ་ནི།  གཅིག་ན་བོད་ཀྱི་སྐད་ཡིག་སློབ་གསོའི་བསྟན་པ་ཇེ་དར་དུ་གཏོང་བའི་ཆེད་དང་།   གཉིས་སུ་རྨ་ཆུ་དང་དགུ་ཆུའི་འགྲམ་རྒྱུད་དུ་གནས་པའི་འབའ་རྫོང་དང་རེབ་གོང་།   གཅན་ཚ་གསུམ་གྱི་སྐད་ཡིག་དགེ་རྒན་རྣམས་གདན་ཞུས་ཀྱིས།   ཕན་ཚུན་ངོ་ཤེས་དང་བསམ་བློ་གཅིག་གྱུར་འབྱུང་བར་དམིགས་པ་ཡིན་ལ།  ཚོགས་འདུའི་རྩ་དོན་ནི་རྒྱལ་ཁབ་དང་ཚོགས་པ།  མགོ་ཁྲིད།  སྤྱི་ཚོགས།  ཁྱིམ་བདག་དང་སློབ་མ་བཅས་ལ་ཁག་མི་འཇོག་པར་དགེ་རྒན་རང་སྟེང་ནས་རྒྱུ་རྐྱེན་འཚོལ་བ་དང་།  རང་སྟེང་ནས་བསྒྲུབ་དགོས་པའི་བྱ་བ་ངོས་ཟིན་རྒྱུ་དེ་ཡིན་ཚུལ་གསུངས་སོང་།   
  ཚོགས་ཐོག་ཏུ་ཁྱོན་བསྡོམས་ས་ཁུལ་གསུམ་གྱི་དགེ་རྒན་ཉིས་བརྒྱ་ལྷག་ཞུགས་ཡོད་པ་དང་།   གདན་ཞུས་སྐུ་མགྲོན་མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་གཅན་ཚ་བཀྲ་བྷོ་ལགས་དང་།   སྐྱ་རེངས་དཔལ་ལོ།  རྨེ་རུ་ཡུལ་ལྷ་ཐར་གསུམ་གྱིས་སོ་སོར་བོད་ཀྱི་སློབ་གྲྭ་ཆུང་འབྲིང་གི་སློབ་མའི་རྩོམ་ཡིག་འབྲི་སྦྱོང་དང་དགེ་རྒན་གྱི་སྐད་ཆ།  གཞི་རིམ་སྐད་ཡིག་འཕེལ་རྒྱས་བཅས་གསུམ་ཐད་ནས་གཏམ་རུས་པ་ཅན་མང་བོ་གསུངས་བྱུང་ལ།  གཞན་ཡང་རྨ་ལྷོ་ཁུལ་སློབ་འབྲིང་གཉིས་པའི་དགེ་རྒན་བླ་མ་སྐྱབས་དང་།  རྨ་ལྷོ་ཁུལ་སློབ་འབྲིང་དང་པོའི་དགེ་རྒན་ཤ་བོ་རྒྱལ་དང་།   འབའ་རྫོང་སྟག་གསོད་བཅའ་སྡོད་སློབ་གྲྭའི་དགེ་རྒན་ལྷ་མགོན།  གཅན་ཚ་རྫོང་མི་རིགས་སློབ་འབྲིང་དང་པོའི་དགེ་རྒན་ཕག་མོ་བསམ་གྲུབ།  གཅན་ཚ་རྫོང་མི་རིགས་སློབ་འབྲིང་གཉིས་པའི་དགེ་རྒན་ཚེ་རིང་བཀྲ་ཤིས་དང་།  གུ་རུ་དོན་གྲུབ།  ཚེ་གཟུངས་ཐར།   གཅན་ཚ་རྫོང་ཆ་ཚང་སློབ་ཆུང་གཉིས་པའི་དགེ་རྒན་གཅན་རྣམ་ཐར་བཅས་ཀྱིས་གཞི་རིམ་སློབ་གསོ་དང་ཁྱད་པར་དུ་སློབ་གྲྭ་ཆུང་འབྲིང་གི་སྐད་ཡིག་སློབ་ཁྲིད་ཐད་ནས་རང་རང་གི་ལྟ་ཚུལ་དང་དྲན་ཚུལ་གླེང་སོང་།   ད་ཐེངས་ཀྱི་ཚོགས་འདུ་ནི་གཞུང་ཕྱོགས་ཀྱི་ཚོགས་འདུ་ཆེ་མ་ཆུང་གསུམ་དང་མི་འདྲ་བར་ཚོགས་ཞུགས་མི་སྣ་ཡོངས་ཀྱིས་ནན་ཏན་གྱིས་གཏམ་བཤད་ལ་ཉན་པ་དང་ཟིན་བྲིས་འདེབས་པ་ལས་ཁ་པར་སྣེ་ལེན་དང་དུ་བ་འཐེན་པ།  ཕན་ཚུན་ཁ་བརྡ་བྱེད་པ་སོགས་ཀྱི་སྣང་ཚུལ་མཐོང་རྒྱུ་མེད་པས་ངོ་མས་ཉམས་དགའ་བ་ཞིག་རེད།
  མཇུག་མཐར་ཚོགས་འདུ་གཙོ་སྐྱོང་གནང་མཁན་གཅན་ཚ་རྫོང་མི་རིགས་སློབ་འབྲིང་གཉིས་པའི་སློབ་གཙོ་དང་།  བོད་ཀྱི་སློབ་འབྲིང་སློབ་གསོ་ཞིབ་འཇུག་པ་དོ་རྒྱ་བསོད་ནམས་ཚེ་རིང་ལགས་ཀྱིས་མཇུག་བསྡུ་བའི་གཏམ་བཤད་གནང་ཞིང་།  ཐེངས་འདིའི་ཚོགས་འདུའི་སྐབས་གཙོ་བོར་གླེང་སློང་བྱས་པའི་གནད་དོན་ཆེ་ཁག་གསུམ་སྟེ་བསླབ་ཚན་གྱི་ངོས་འཛིན་དང་།  སློབ་ཁྲིད་ཀྱི་ཐབས་བཀོད།   དགེ་རྒན་གྱི་ལས་རིགས་ཀུན་སྤྱོད་གསུམ་ཐད་ནས་མདོར་བསྡུས་ཤིང་བཅུད་འདུས་པའི་སྤྱི་སྡོམ་བྱས་མཐར།  ཚོགས་ཞུགས་དགེ་རྒན་རྣམས་ལ་རྟིང་སྐུལ་དང་།   རྗེས་མར་མི་རིགས་སློབ་འབྲིང་གཞན་དག་གིས་ཀྱང་རང་འགན་ཁུར་དུ་བླངས་ནས་འདི་ལྟའི་བགྲོ་གླེང་ཚོགས་འདུ་རེ་འཚོག་རྒྱུའི་རེ་བ་བཏོན་པ་དང་འབྲེལ་ནས་ཚོགས་འདུ་མཇུག་བསྡུ་བའི་བཀྲ་ཤིས་བཞག་སོང་།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།