དམིགས་ཡུལ་དང་རེ་བ་ཡོད་པའི་ང་ཅག་ལོ་རེ་རེར་ཡུལ་ལུང་སོ་སོ་ནས་འདུ་འཛོམས་རེ་བྱས་པ་ཡིན། ད་ཐེངས་ཀྱང་བོད་ཀྱི་སྙན་ངག་གི་མྱི་རབས་བཞི་བའི་འདུ་འཛོམས་སྐབས་ལྔ་བ་དེ་གཙོས་གྲོང་ཁྱེར་གྱི་རྣམ་རྒྱལ་གསོལ་མགྲོན་ཁང་དུ་འཚོགས་པ་ཡིན། 
 ༢༠༡༤ལོའི་ཟླ་༧པའི་ཚེས་༢༧ཉིན་གྱི་ཆུ་ཚོད༡༢སྟེང་དངོས་སུ་འཚོགས་འགོ་བཙུགས་ཤིང་། ཚོགས་མི་སོ་སོ་ནས་ལོ་གཅིག་རིང་གི་རང་ཉིད་ཀྱིས་སྙན་ངག་བྲིས་པའི་ལྟ་ཚུལ་དང་ཕན་ཚུན་གྱི་སྙན་ངག་བསྡུར་བ་བྱས་ཏེ་བསམ་ཚུལ་སོགས་བརྗོད་ནས་ཕལ་ཆེར་ཕྱི་དྲོའི་ཆུ་ཚོད་བཞི་ཡས་མས་འགོར། དེ་ནས་ཛ་དྲག་གི་རྣམ་པ་རེ་ཞིག་བསྐྱུར་ཏེ་དེབ་དུ་བཀོད་པའི་སྙན་ངག་དག་རེ་རེ་བཞིན་གྱེར་འདོན་དང་དཔྱད་འཇོག་འགའ་རེ་བྱས་པས་སྙན་ངག་གི་འདུ་འཛོམས་འཁྲུག་ཆ་དོད་པོ་བྱུང་།

      (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།