ལྷོ་ནུབ་མི་རིགས་སློབ་ཆེན་གྱི་འབུམ་རམས་པ་སྤྲེལ་ནག་པ་རིག་འཛིན་གྲགས་ལྡན་གྱིས་བརྩམས་གནང་བའི༼ རང་དབང་གི་བསམ་བློ་དང་ཐོད་བརྒལ་གྱི་རྩོམ་རྩལ། དེང་རྩོམ་མཁན་པོ་དོན་གྲུབ་རྒྱལ་གྱི་མི་ཚེ་དང་གསར་རྩོམ་སྐོར་གླེང་བ༽ཞེས་པ༢༠༡༥ལོའི་ཟླ༤པར་ཀན་སུའུ་མི་རིགས་དཔེ་སྐྲུན་ཁང་ནས་དཔར་སྐྲུན་བྱས་ཏེ་འགྲེམ་སྤེལ་བྱས་འདུག
  དེབ་འདིའི་ནང་དུ་རྩོམ་པ་པོས་རང་གྲོལ་གྱི་མིང་གི་འབོད་སྟངས་དང་རྒྱལ་ཁབ་ཕྱི་ནང་གི་རང་གྲོལ་ཞིབ་འཇུག་གི་གནས་བབ། གཞན་ཡང་དོན་གྲུབ་རྒྱལ་གྱི་མི་ཚེ་དང་གསར་རྩོམ་གྱི་བགྲོད་ལམ། ཁོང་གི་འཐུས་ཚབ་བརྩམས་ཆོས༼ སྤྲུལ་སྐུ ༽དང༼ ལང་ཚོའི་རྦབ་ཆུ ༽༼  རྐང་ལམ་ཕྲ་མོ ༽སོགས་ལ་རྩོམ་རིག་མི་རིགས་རིག་པའི་རིགས་ལམ་གྱིས་དཔྱད་པ་བཏང་ཡོད་པས། ཞིབ་འཇུག་གི་རིན་ཐང་ལྡན་ལ་དཔྱད་གཞིའི་ཡིག་ཆའང་གལ་ཆེན་དུ་མཐོང་།
  ཁྲིན་ཏུའུ་དང་ཟི་ལིང་། ལྷ་ས་སོགས་ལ་འགྲེམས་སྤེལ་གནང་ཡོད་པས་རྒྱ་ཆེའི་ཀློག་པ་པོ་རྣམས་ཀྱིས་རྒྱབ་སྐྱོར་དང་དགོངས་འཆར་བསྩལ་བར་ཞུ།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།