བཤེར་འཚོལ།
མ་བྱན་གྱི་ལྷུག་རྩོམ་དེབ《ཆར་ཟམ་ཟིམ》ཞེས་པ་པར་སྐྲུན་དང་འགྲེམ་སྤེལ་བྱས་པ།
ཉེ་ལམ། མ་བྱན་གྱི་ལྷུག་རྩོམ་དེབ《ཆར་ཟམ་ཟིམ》ཞེས་པ་སི་ཁྲོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི་ཁམས་པའི་རྩོམ་པ་པོའི་དཔེ་ཚོགས་ཀྱི་དེབ་ཨང་༡༣པར་བསྡུས་ཏེ་འགྲེམ་སྤེལ་བྱས།
མ་བྱན། དངོས་མིང་ལ་ངག་དབང་བློ་གྲོས་ཟེར། ཕ་ཡུལ་བྲག་མགོའི་འབྲོག་ཁྱིམ་ཞིག་ཏུ་སྐྱེས། ཀྲུང་གོའི་གྲངས་ཉུང་མི་རིགས་རྩོམ་པ་པོ་སློབ་ཚོགས་ཀྱི་ཁོངས་མི་དང་དཀར་མཛེས་ཁུལ་རྩོམ་པ་པ་པོ་མཐུན་ཚོགས་ཀྱི་ཁོངས་མི་ཡིན། 2020ལོར«གངས་དཀར་རི་བོ»དུས་དེབ་ཀྱི་ལོ་མཇུག་ཕུལ་བྱུང་བྱ་དགའ་ཐོབ། སྔ་ཕྱིར་བརྩམས་ཆོས་ཁག་ཅིག «མི་རིགས་ཀྱི་རྩོམ་རིག» «བོད་ཀྱི་རྩོམ་རིག་སྒྱུ་རྩལ» «གངས་དཀར་རི་བོ» «རང་གྲོལ» «ལྷོ་ཁའི་རྩོམ་རིག་སྒྱུ་རྩལ» «ཟླ་ཟེར» «མཚོ་སྔོན་བོད་ཡིག་གསར་འགྱུར» «ཁམས་པའི་ཚགས་པར»སོགས་དུས་དེབ་དང་ཚགས་པར་དུ་སྤེལ།
མཇུག་བྱང་།
གུས་པའི་དེབ་འདིའིི་མགོ་མཇུག་བར་གསུམ་ལ་སེམས་ཁུར་དང་རོགས་དན། རྒྱབ་སྐྱོར་མཛད་མཁན་དག་ལ་ཐུགས་རྗེ་ཆེ་ཞུ། དམིགས་བཙུགས་ནས་གངས་དཀར་རི་བོ་རྩོམ་སྒྲིག་ཁང་གི་རྒན་གངས་དབང་དང་ཀུན་བཟང་རྣམ་རྒྱལ་གཉིས་ལ་ཐུགས་རྗེ་ཆེ་ཞུ། སི་ཁྲོན་མི་རིགས་དཔེ་སྐྲུན་ཁང་གི་འབྲེལ་ཡོད་རྩོམ་སྒྲིག་པ་རྣམས་ལ་ཐུགས་རྗེ་ཆེ། དྲིན་ཆེན་ཕ་མ་ཟུང་ལ་ཐུགས་རྗེ་ཆེ་ཞུ། ཁྱེད་རྣམས་ཀྱི་ལོ་མང་གི་གཟིགས་སྐྱོང་མེད་ན་དེབ་འདིའང་ཤིན་ཏུ་དཀའ་བའི་གནས་སུ་གྱུར་ཡོད། བརྟས་ཡོད། ཁོ་བོས་འདི་དང་གན་ཞེས་ལེགས་ཉེས་ཀྱི་གཏམ་ཅི་ཡང་བསྙད་དུ་མེད་ཀྱང་། བྱས་པ་ཅུང་ཙམ་ཡོད་ན་ཁོ་ཚོའི་ཡིན་ལ། ཉེས་པའི་ཚོགས་གང་མཆིས་པ་ཡོད་དོ་ཅོག་བདག་གི་ཡིན་ནོ།།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།