ངས་ཀྱང་གཞན་ལ་བལྟས་པ་ན།༼བཅད་མ༽
གཞན་གྱིས་ང་ལ་ལྟ་བ་བཞིན།།
ངས་ཀྱང་གཞན་ལ་བལྟས་པ་ན།།
གཟེབ་དྲའི་ནང་གི་མི་འདི་དག།།
ཡ་མ་གཟུགས་སུ་མངོན་སུམ་མཐོང་།།
ངས་ཀྱང་གཞན་ལ་བལྟས་པ་ན།།
གཟེབ་དྲའི་ནང་གི་མི་འདི་དག།།
ཡ་མ་གཟུགས་སུ་མངོན་སུམ་མཐོང་།།
སྙན་དང་གྲགས་པའི་སྤྲང་ཁུག་ཏུ།།
ཤེས་རབ་སིལ་མའི་དངུལ་བླུགས་ཏེ།།
ལྟ་བར་ཁེན་པའི་རྒན་པོ་འདིར།།
དེ་རིང་ཁོ་བོ་ཞེད་ཙམ་བྱུང་།།
ཤེས་རབ་སིལ་མའི་དངུལ་བླུགས་ཏེ།།
ལྟ་བར་ཁེན་པའི་རྒན་པོ་འདིར།།
དེ་རིང་ཁོ་བོ་ཞེད་ཙམ་བྱུང་།།
དུས་ཀྱི་ཆུ་ཀླུང་རྒྱུན་རིང་མས།།
མཚན་ཉིད་རིག་པའི་ཡི་གེ་ནི།།
རྒྱང་དུ་ཁྱེར་ནས་མི་སྣང་ཞིང།།
ཆུ་ཀླུང་རང་ཡང་སྐེམ་ཚར་བས།།
མཚན་ཉིད་རིག་པའི་ཡི་གེ་ནི།།
རྒྱང་དུ་ཁྱེར་ནས་མི་སྣང་ཞིང།།
ཆུ་ཀླུང་རང་ཡང་སྐེམ་ཚར་བས།།
ད་ལྟའི་མྱ་ངམ་ཐང་འདི་ན།།
ཁྱི་རོ་རུབ་པའི་སྦྲང་ནག་ཚོགས།།
འཕུར་བའི་སྒྲ་དབྱངས་ཟ་ཟི་དེས།།
གཉིད་ཀྱི་བདེ་བའང་རབ་ཏུ་འཕྲོག།
ཁྱི་རོ་རུབ་པའི་སྦྲང་ནག་ཚོགས།།
འཕུར་བའི་སྒྲ་དབྱངས་ཟ་ཟི་དེས།།
གཉིད་ཀྱི་བདེ་བའང་རབ་ཏུ་འཕྲོག།
བྱིས་པ་བྱིས་པའི་དམག་དཔུང་ཅན།།
འགྱིག་གི་རྟ་ལ་བཅིབས་ནས་འོང་།།
ཀུ་ཅོའི་ཆོ་ངེ་བསྒྲགས་ཏེ་འོང་།།
རྩི་ཏོག་རལ་གྲི་ཐོགས་ཏེ་འོང་།།
འགྱིག་གི་རྟ་ལ་བཅིབས་ནས་འོང་།།
ཀུ་ཅོའི་ཆོ་ངེ་བསྒྲགས་ཏེ་འོང་།།
རྩི་ཏོག་རལ་གྲི་ཐོགས་ཏེ་འོང་།།
སྙན་ངག་བདུད་རྩིའི་རོ་མངར་གྱིས།།
དབང་རྩ་སྦྲིད་པའི་སྐྱེ་བོ་ནི།།
སྨྱོན་པའི་འདུ་ཁང་ལ་བཙུད་ནས།།
སེམས་ཀྱི་བཙོན་མར་གྱུར་བ་ན།།
དབང་རྩ་སྦྲིད་པའི་སྐྱེ་བོ་ནི།།
སྨྱོན་པའི་འདུ་ཁང་ལ་བཙུད་ནས།།
སེམས་ཀྱི་བཙོན་མར་གྱུར་བ་ན།།
ཐ་སྙད་སྒྱུ་མའི་གཟེབ་ནང་ནས།།
བྱེའུ་འཛིན་པའི་བཙོན་སྲུང་དག།
ཅལ་ཅིལ་གླུ་སྒྲས་མྱོས་གྱུར་ཏེ།།
གདོད་མའི་སེམས་དང་རིང་དང་བྲལ།།
བྱེའུ་འཛིན་པའི་བཙོན་སྲུང་དག།
ཅལ་ཅིལ་གླུ་སྒྲས་མྱོས་གྱུར་ཏེ།།
གདོད་མའི་སེམས་དང་རིང་དང་བྲལ།།
(མུ་འགོད)
རྩོམ་ཁུངས། ངེད་དྲ་བ།