ཡུལ་ཤུལ་གྱི་ཕུ་ནུ་མིང་སྲིང་ཚོར་སེམས་གསོར་ཕུལ་བའི་སྙན་ངག

མི་རྟག་སྒྱུ་མའི་བུ་མོ་དེས།།
འདོད་ཡོན་སྲིད་པའི་གོས་བཀླུབས་ནས།།
ཡོད་ཡོད་འདྲ་བའི་གར་འཁྲབ་པ།།
འཁོར་བའི་རང་བཞིན་ཡིན་ཞེས་པ།།
མེས་པོ་དམ་པའི་གསུང་མིན་ནམ།།
རྒྱུ་ནོམ་བྱེ་མའི་ཆིངས་བུ་དེས།།
རིན་ཆེན་སྣ་ལྔའི་མདངས་བཟུང་ནས།།
ཕུན་སུམ་ཚོགས་པའི་དོན་འཛིན་པ།།
སྣང་བའི་སྤྲུལ་སྒྱུར་ཡིན་ཟེར་བ།།
མགོ་ནག་བོད་པའི་དཔེ་མིན་ནམ།།
གཉེན་ཉེ་གློག་གི་ལུས་ཅན་དེས།།
ཡུད་ཡུད་ཅིག་ལ་མིག་བསྒྱུར་ཅིང་།།
སྐབས་སྐབས་ཤིག་ལ་ཡིད་བསླུ་བ།།
འདུ་བྲལ་ཆོས་ཉིད་དུ་འཛིན་པ།།
དམ་པའི་ཆོས་ཀྱི་སྲོལ་མིན་ནམ།།

སེམས་ཀྱིས་དེ་ལྟར་ཤེས་ན་འང་།།
སྡུག་གི་ན་བུན་ཁོག་མིན་པ།།
བྲང་ལ་འཐིབས་པའི་སྐད་ཅིག་མར།།
གངས་དཀར་ཞི་བའི་མཆེ་བ་ཅན།།
སྲིད་པ་གསུམ་གྱི་རྩེར་གཟེངས་པའི།།
མི་ཞེས་བྱ་བའི་ལྷ་བོ་ཆེས།།
བརྩེ་བའི་ལག་ཟུང་མཐར་བརྐྱངས་ཏེ།།
ཁྱོད་ཀྱི་སྙིང་ཁའི་པད་གདན་ནས།།
འཐོར་བའི་གེ་སར་ཕྱིར་བཏུ་ཞིང་།།
ཁྱོད་ཀྱི་སེམས་ཀྱི་ཁང་བཟང་ནས།།
གཟིམས་པའི་སྒྲོན་མེ་ཕྱིར་བསྒྲོན་ཡོང་།།  

མིག་ཆུ་ཕྱིས་ཤིག་ཇོ་ཇོ་ལགས།།
ངུ་མཚམས་ཞོག་ཅིག་ནུ་མོ་ལགས།།
སྟོད་ཕྱོགས་མངའ་རིས་སྐོར་གསུམ་གྱིས།།
མཁའ་རུ་བརྩིགས་པའི་བསང་ཁྲི་ཡོད།།
བར་ཕྱོགས་དབུས་གཙང་རུ་བཞི་ཡིས།།
ཕྱོགས་མཐར་ཐེན་པའི་དར་ལྕོག་ཡོད།།
སྨད་ཕྱོགས་མདོ་ཁམས་སྒང་དྲུག་གིས།།
མཐོ་རུ་སྤུར་བའི་རླུང་རྟ་ཡོད།།
ས་དགེ་བཀའ་རྙིང་ཐམས་ཅད་ཀྱིས།།
མཉམ་པོར་གསུང་བའི་བསྔོ་སྨོན་ཡོད།།
རོང་འབྲོག་ཕུ་ནུ་ནང་འགྲིག་པས།།
ལྷན་དུ་བསྒྲོན་པའི་མར་མེ་ཡོད།།
བུ་ཆུང་བདག་དང་བདག་འདྲ་བས།།
སེམས་ཀྱིས་བྲིས་པའི་སྙན་ངག་ཡོད།།  

འགྲོ་བ་མི་ཡི་རྩོད་ཉོག་ལ།།
ཟད་པའི་མཚམས་ནི་མེད་པའི་བར།།
རང་བྱུང་འཇིགས་པའང་ཆད་མེད་དེ།།
སྐྱེ་རྒ་ན་འཆིའི་སྲད་བུ་ལ།།
བརྒྱུས་པའི་སྲོག་གི་བྱུར་ཆུང་འདི།།
བདག་མོའི་མཛེས་རྒྱན་ལས་ཤོར་ནས།།
བསྐལ་བའི་ཕུག་པར་ལྟུང་བ་ཉིད།།
སླར་ཡང་འཚོལ་ལ་ངལ་བ་ལྟར།།
སུ་ཡང་སྲིད་པའི་ཐང་ཆེན་ན།།
མགོ་བོ་འཁོར་བའི་རི་དྭགས་བཞིན།།
དེ་ལྟའི་གནས་ལུགས་ཟབ་མོ་ཡིས།།
འཚོ་བའི་སྲོག་སྙིང་གཏན་ཟིན་ཏེ།།
འཇིགས་པ་མེད་པའི་བློ་སྤོབས་ཀྱིས།།
སྐྱེ་རྒུ་མདོ་ལ་བཀྲ་ཤིས་སྩོལ།།                     

༢༠༡༠ལོའི་ཟླ༤པའི་ཚེས༢༨ཉིན་རྨ་ཆུ་ནས་སུག་བྲིས་སུ་བགྱིས་པའོ།།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཡུལ་ཤུལ་གྱི་ཕུ་ནུ་མིང་སྲིང་ཚོར་སེམས་གསོར་ཕུལ་བའི་སྙན་ངག

མི་རྟག་སྒྱུ་མའི་བུ་མོ་དེས།།
འདོད་ཡོན་སྲིད་པའི་གོས་བཀླུབས་ནས།།
ཡོད་ཡོད་འདྲ་བའི་གར་འཁྲབ་པ།།
འཁོར་བའི་རང་བཞིན་ཡིན་ཞེས་པ།།
མེས་པོ་དམ་པའི་གསུང་མིན་ནམ།།
རྒྱུ་ནོམ་བྱེ་མའི་ཆིངས་བུ་དེས།།
རིན་ཆེན་སྣ་ལྔའི་མདངས་བཟུང་ནས།།
ཕུན་སུམ་ཚོགས་པའི་དོན་འཛིན་པ།།
སྣང་བའི་སྤྲུལ་སྒྱུར་ཡིན་ཟེར་བ།།
མགོ་ནག་བོད་པའི་དཔེ་མིན་ནམ།།
གཉེན་ཉེ་གློག་གི་ལུས་ཅན་དེས།།
ཡུད་ཡུད་ཅིག་ལ་མིག་བསྒྱུར་ཅིང་།།
སྐབས་སྐབས་ཤིག་ལ་ཡིད་བསླུ་བ།།
འདུ་བྲལ་ཆོས་ཉིད་དུ་འཛིན་པ།།
དམ་པའི་ཆོས་ཀྱི་སྲོལ་མིན་ནམ།།

སེམས་ཀྱིས་དེ་ལྟར་ཤེས་ན་འང་།།
སྡུག་གི་ན་བུན་ཁོག་མིན་པ།།
བྲང་ལ་འཐིབས་པའི་སྐད་ཅིག་མར།།
གངས་དཀར་ཞི་བའི་མཆེ་བ་ཅན།།
སྲིད་པ་གསུམ་གྱི་རྩེར་གཟེངས་པའི།།
མི་ཞེས་བྱ་བའི་ལྷ་བོ་ཆེས།།
བརྩེ་བའི་ལག་ཟུང་མཐར་བརྐྱངས་ཏེ།།
ཁྱོད་ཀྱི་སྙིང་ཁའི་པད་གདན་ནས།།
འཐོར་བའི་གེ་སར་ཕྱིར་བཏུ་ཞིང་།།
ཁྱོད་ཀྱི་སེམས་ཀྱི་ཁང་བཟང་ནས།།
གཟིམས་པའི་སྒྲོན་མེ་ཕྱིར་བསྒྲོན་ཡོང་།།  

མིག་ཆུ་ཕྱིས་ཤིག་ཇོ་ཇོ་ལགས།།
ངུ་མཚམས་ཞོག་ཅིག་ནུ་མོ་ལགས།།
སྟོད་ཕྱོགས་མངའ་རིས་སྐོར་གསུམ་གྱིས།།
མཁའ་རུ་བརྩིགས་པའི་བསང་ཁྲི་ཡོད།།
བར་ཕྱོགས་དབུས་གཙང་རུ་བཞི་ཡིས།།
ཕྱོགས་མཐར་ཐེན་པའི་དར་ལྕོག་ཡོད།།
སྨད་ཕྱོགས་མདོ་ཁམས་སྒང་དྲུག་གིས།།
མཐོ་རུ་སྤུར་བའི་རླུང་རྟ་ཡོད།།
ས་དགེ་བཀའ་རྙིང་ཐམས་ཅད་ཀྱིས།།
མཉམ་པོར་གསུང་བའི་བསྔོ་སྨོན་ཡོད།།
རོང་འབྲོག་ཕུ་ནུ་ནང་འགྲིག་པས།།
ལྷན་དུ་བསྒྲོན་པའི་མར་མེ་ཡོད།།
བུ་ཆུང་བདག་དང་བདག་འདྲ་བས།།
སེམས་ཀྱིས་བྲིས་པའི་སྙན་ངག་ཡོད།།  

འགྲོ་བ་མི་ཡི་རྩོད་ཉོག་ལ།།
ཟད་པའི་མཚམས་ནི་མེད་པའི་བར།།
རང་བྱུང་འཇིགས་པའང་ཆད་མེད་དེ།།
སྐྱེ་རྒ་ན་འཆིའི་སྲད་བུ་ལ།།
བརྒྱུས་པའི་སྲོག་གི་བྱུར་ཆུང་འདི།།
བདག་མོའི་མཛེས་རྒྱན་ལས་ཤོར་ནས།།
བསྐལ་བའི་ཕུག་པར་ལྟུང་བ་ཉིད།།
སླར་ཡང་འཚོལ་ལ་ངལ་བ་ལྟར།།
སུ་ཡང་སྲིད་པའི་ཐང་ཆེན་ན།།
མགོ་བོ་འཁོར་བའི་རི་དྭགས་བཞིན།།
དེ་ལྟའི་གནས་ལུགས་ཟབ་མོ་ཡིས།།
འཚོ་བའི་སྲོག་སྙིང་གཏན་ཟིན་ཏེ།།
འཇིགས་པ་མེད་པའི་བློ་སྤོབས་ཀྱིས།།
སྐྱེ་རྒུ་མདོ་ལ་བཀྲ་ཤིས་སྩོལ།།                     

༢༠༡༠ལོའི་ཟླ༤པའི་ཚེས༢༨ཉིན་རྨ་ཆུ་ནས་སུག་བྲིས་སུ་བགྱིས་པའོ།།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།