ང་ཡི་སྒྲོལ་མ།༼རང་མོས༽
སྒྲོལ་མ ང་ཡི་སྒྲོལ་མ མི་ཚོགས་ཀྱི་ཁྲོད་ཀྱི་ལྦུ་བའི་འོད་དཀར
དུས་ཚོད་ཀྱི་ཐ་གུ་ལས་ཆེས་འགྲོལ་དཀའ་བའི་མདུད་པ
ང་ཡིས་ཀློག་ཐབས་བྲལ་བའི བྱེ་མའི་གླེགས་བམ①
བསྐལ་བའི་ཕུག་པའི་ནང་ལྷུང་བའི་ཤ་ཁྲག་གི་གསེར་སྒོར
ཆུ་ཁར་གཡེང་བའི་ནུ་འབུར་གྱི་ལོ་མ
སྤྲིན་དཀར་གྱི་སྨད་གཡོགས རྒྱུ་སྐར་གསལ་བོ་དག་གི་མིག་ཟུང
ཕོ་ཉ་བས་བོར་བའི་བརྩེ་དུང་གི་སྙན་ངག
འདོད་པའི་ལྷ་མོ ཇ་ཆང་གི་ལྷ་མོ
སྒྲོལ་མ ང་ཡི་སྒྲོལ་མ
2009/7/8
① བྱེ་མའི་གླེགས་བམ་ཞེས་པ་ནི་ཨ་གྷིན་ཐེན་གྱི་རྩོམ་པ་པོ་གྲགས་ཅན་བྷོར་ཧི་ཟིའི་བརྩམས་པའི་སྒྲུང་ཞིག་གི་ཁ་བྱང་གཡར་བ་ཡིན།
རྩོམ་ཁུངས། ངེད་དྲ་བ།