ཟླ་བ།༼བཅད་མ༽

            _____མདའ་ཚན་པ་བླ་མ་སྐྱབས་ལ་བྲིས་པ།
༄༅།།མཁའ་ཡི་ཟླ་བ།། རི་དྭགས་གཉིད་མ།། ང་ཡི་རྣམ་ཤེས།། གཟེབ་ཏུ་ཚུད་མ།། ཕྱི་ལ་བུད་ཀྱང་།།ནང་ལ་འཁྲེང་མ།། ལུས་ཀྱི་ཁུར་བོ།།རབ་ཏུ་ལྕི་མ།། ཞིབ་ཏུ་བསམ་ན།། སྡིག་པའི་སྣོན་མ།། ཟླ་བ་ཟླ་བ།། ནམ་མཁར་གཡེང་མ།། ང་དང་མི་རྣམས།། འཚང་ཁ་རྒྱག་མ།། དཔྱོད་ཀྱིན་དཔྱོད་ཀྱིན།། མགོ་བོ་འཁོར་མ།། རིག་པ་རྣོ་ཡང་།། ཆང་རག་བསྟེན་མ།། དེ་ཡིས་མནར་ནས།།གཉིད་དུ་འཐིབས་མ།།རྐས་ཐེམ་བར་ནས།། སྐྱེད་ཚལ་བཞད་མ།། ཁ་དོག་སྣ་ཚོགས།། ཕན་ཚུན་འཐབ་མ།། ཕྱེ་ལེབ་མང་པོ།།རྡུང་ག་རྒྱག་མ།།ཟླ་བ་ཟླ་བ།། རྨི་ལམ་གསལ་མ།། གློག་གི་རྩེད་མོ།། འཇིག་པ་མེད་མ།། ནམ་གུང་བར་དུ།། རྡོག་སྒྲ་གསལ་མ།། ཁང་བརྩེགས་གསེབ་ཏུ།། འདོད་སྲེད་འཁྲིགས་མ།། ངེད་ཅག་འབྲོག་པ།། སྙིང་ཆུང་ལྡིང་མ།། ཨར་འདམ་ཚ་བོ།།ཀུ་ཅོ་སྒྲོག་མ།། ཟླ་བ་ཟླ་བ།། སྤྱན་རས་གཟིགས་མ།། བརྩེ་བའི་འོད་ཀྱིས།། གོས་དཀར་བཟོ་མ།།འབུ་དང་གྲོག་མ།། ཤི་གོད་ཐེབས་མ།། གྲོང་དང་གྲོང་རྡལ།། སྤྲིན་དཀར་འཐིབས་མ།། དེ་ཡིས་བཏེགས་ནས།། སྟོང་བར་གྱུར་མ།། ང་དང་འགྲོ་བ།། དེ་ལ་སྦྲེལ་མ།།འཕྲུལ་འཁོར་དག་ནི།། མཆེ་བ་བགྲད་མ།། ང་རོའི་སྒྲ་དབྱངས།། ཁྲོ་ཆུ་བཞུར་མ།།གཉིད་དང་གཉིད་ལོག། མཉམ་དུ་བསྲེས་མ།། ཟས་དང་ནད་ཀྱིས།། རབ་ཏུ་མནར་མ།། ཟླ་བ་ཟླ་བ།། སྒྱུ་མའི་ཨ་མ།། སྒྲ་གཅན་བདུད་པོས།། ལན་ཅིག་བཟའ་མ།། བར་དོའི་གནས་ནས།། ཕྱི་མིག་ལྟ་མ།། སླར་ཡང་སྐྱེས་ནས།། མེ་ཏོག་འདེབས་མ།།འབྲས་བུའི་འོད་དང་།།ཟིལ་བ་ལྕི་མ།།མིག་གི་བུང་བ།། ཀེམ་ཀེམ་གཡོ་མ།།མཛེས་པའི་ལྕང་ལོ།། ཆུ་མིག་བཞུར་མ།།སྙན་ངག་འདི་ནི།།སྣང་བ་འཁྱུག་མ།།
           ༢༠༡༣ལོའི་ཟླ་༧པའི་ཚེས་༢༧ཉིན་སོག་ཡུལ་གྱི་རྒྱལ་ས་ཨོ་ལན་པཱ་ཐུར་ནས་བྲིས་པའོ།།
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཟླ་བ།༼བཅད་མ༽

            _____མདའ་ཚན་པ་བླ་མ་སྐྱབས་ལ་བྲིས་པ།
༄༅།།མཁའ་ཡི་ཟླ་བ།། རི་དྭགས་གཉིད་མ།། ང་ཡི་རྣམ་ཤེས།། གཟེབ་ཏུ་ཚུད་མ།། ཕྱི་ལ་བུད་ཀྱང་།།ནང་ལ་འཁྲེང་མ།། ལུས་ཀྱི་ཁུར་བོ།།རབ་ཏུ་ལྕི་མ།། ཞིབ་ཏུ་བསམ་ན།། སྡིག་པའི་སྣོན་མ།། ཟླ་བ་ཟླ་བ།། ནམ་མཁར་གཡེང་མ།། ང་དང་མི་རྣམས།། འཚང་ཁ་རྒྱག་མ།། དཔྱོད་ཀྱིན་དཔྱོད་ཀྱིན།། མགོ་བོ་འཁོར་མ།། རིག་པ་རྣོ་ཡང་།། ཆང་རག་བསྟེན་མ།། དེ་ཡིས་མནར་ནས།།གཉིད་དུ་འཐིབས་མ།།རྐས་ཐེམ་བར་ནས།། སྐྱེད་ཚལ་བཞད་མ།། ཁ་དོག་སྣ་ཚོགས།། ཕན་ཚུན་འཐབ་མ།། ཕྱེ་ལེབ་མང་པོ།།རྡུང་ག་རྒྱག་མ།།ཟླ་བ་ཟླ་བ།། རྨི་ལམ་གསལ་མ།། གློག་གི་རྩེད་མོ།། འཇིག་པ་མེད་མ།། ནམ་གུང་བར་དུ།། རྡོག་སྒྲ་གསལ་མ།། ཁང་བརྩེགས་གསེབ་ཏུ།། འདོད་སྲེད་འཁྲིགས་མ།། ངེད་ཅག་འབྲོག་པ།། སྙིང་ཆུང་ལྡིང་མ།། ཨར་འདམ་ཚ་བོ།།ཀུ་ཅོ་སྒྲོག་མ།། ཟླ་བ་ཟླ་བ།། སྤྱན་རས་གཟིགས་མ།། བརྩེ་བའི་འོད་ཀྱིས།། གོས་དཀར་བཟོ་མ།།འབུ་དང་གྲོག་མ།། ཤི་གོད་ཐེབས་མ།། གྲོང་དང་གྲོང་རྡལ།། སྤྲིན་དཀར་འཐིབས་མ།། དེ་ཡིས་བཏེགས་ནས།། སྟོང་བར་གྱུར་མ།། ང་དང་འགྲོ་བ།། དེ་ལ་སྦྲེལ་མ།།འཕྲུལ་འཁོར་དག་ནི།། མཆེ་བ་བགྲད་མ།། ང་རོའི་སྒྲ་དབྱངས།། ཁྲོ་ཆུ་བཞུར་མ།།གཉིད་དང་གཉིད་ལོག། མཉམ་དུ་བསྲེས་མ།། ཟས་དང་ནད་ཀྱིས།། རབ་ཏུ་མནར་མ།། ཟླ་བ་ཟླ་བ།། སྒྱུ་མའི་ཨ་མ།། སྒྲ་གཅན་བདུད་པོས།། ལན་ཅིག་བཟའ་མ།། བར་དོའི་གནས་ནས།། ཕྱི་མིག་ལྟ་མ།། སླར་ཡང་སྐྱེས་ནས།། མེ་ཏོག་འདེབས་མ།།འབྲས་བུའི་འོད་དང་།།ཟིལ་བ་ལྕི་མ།།མིག་གི་བུང་བ།། ཀེམ་ཀེམ་གཡོ་མ།།མཛེས་པའི་ལྕང་ལོ།། ཆུ་མིག་བཞུར་མ།།སྙན་ངག་འདི་ནི།།སྣང་བ་འཁྱུག་མ།།
           ༢༠༡༣ལོའི་ཟླ་༧པའི་ཚེས་༢༧ཉིན་སོག་ཡུལ་གྱི་རྒྱལ་ས་ཨོ་ལན་པཱ་ཐུར་ནས་བྲིས་པའོ།།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།