ང་ཡི་རྨི་ལམ་དུ།༼རང་མོས༽
ང་ཡི་རྨི་ལམ་དུ གློ་མདོག་གི་རྒྱ་མཚོ་ཞིག་དང
འོད་ཀྱིས་བཟོས་པའི་གྲུ་གཟིངས་ཤིག་ཡོད
ང་ཡི་རྨི་ལམ་དུ གྲོག་མ་རྣམས་ཝུ་བར་འཐབ་ཅིང
ཤེལ་དམ་ཁྲི་ཕྲག་ཅིག་གིས
ཤེལ་གྱི་རི་བོ་ཞིག་གྲུབ་ཡོད
ང་ཡི་རྨི་ལམ་དུ ང་རང་བུད་མེད་ཅིག་ཏུ་གྱུར་བ་དང
བྱམས་བརྩེའི་ཕྱག་ཟུང་གིས
སྐྱེས་པ་ཚོའི་སྡུག་བསྔལ་བ་མ་ལུས་པ་བསུབས
ང་ཡི་རྨི་ལམ་དུ རྨི་ལམ་ལས་རྨི་ལམ་འཁྲུངས
མེ་ལོང་གི་ནང་དུ་མེ་ལོང་ཤར་བ་ཇི་བཞིན
ང་ཡི་རྨི་ལམ་དུ ང་རང་མངོན་པར རྫོགས་པར
སངས་རྒྱས
༢༠༡༣ལོའི་ཟླ་༤པའི་ཚེས་༧ཉིན།
རྩོམ་ཁུངས། ངེད་དྲ་བ།