ལོང་བ་ཞིག་གིས་མཚན་གུང་ལ་བསྐྱལ་ཡོང་བའི་གླེགས་བམ་དེ
ཡི་གེ་དང་ཨང་ཀིའི་གྲོག་མཁར་ཞིག་སྟེ
ཐག་རིང་དུ་ཡོད་པའི་སྨིག་རྒྱུ་བཞིན་འགུལ་བར་བྱེད
བརླག་པར་བརྩམས་ནའང
རང་གི་མཛུབ་རྩེ་བརྒྱུད་ནས་ལུས་ལ་འབྱར་ཡོང

དེ་བས་རྨི་ལམ་གྱི་ཁྲོད་ནས
ལུས་ཕུང་ཉིད་གྱོན་པ་ཞིག་ལྟར་ཕར་གཡུག་ནས
རི་མཐོ་སར་འགོས་ནས་མར་བལྟས་ཚེ
སྡེ་འདབས་ཀྱི་ཞིང་ས་ལྟ་བུའི་འཇིག་རྟེན་དེ

ཚོན་མདངས་མེད་པའི་སྐྱ་རིས་ཤིག་ཏུ་སྣང་ཡོང་ལ
མིང་ལ་འཆི་བ་ཟེར་བའི་གྲོགས་པོ་དེས་ཀྱང
ཆང་སྟོན་ཞིག་ཡོད་པ་དང་འདྲ་བར་ལག་གཡུག་བྱེད་ཀྱི་འདུག
                 ༢༠༡༢ལོའི་ཟླ་༤བའི་ཚེས་༢༣ཉིན།

རྩོམ་ཁུངས། ངེད་དྲ་བ།