གཅེར་བུར་བུད་ནས་ཁྱོད་ལ་བལྟས་པ།
བྱེ་ཐང་དུ་གཅེར་བུར་ཀན་རྐྱལ་དུ་ལོག་ནས
ཁྱོད་ལ་བལྟས་དུས
སྐྱེས་པ་ཕོ་ཡི་རྒྱུ་མཚན་གྱིས
བརླན་གཤེར་གྱི་སྤྲིན་པ་རེ་རེ
མཛེས་སྡུག་གི་ལྷ་མོ་རེ་རེར་འཕྲུལ་འགྲོ
ཆགས་སྲེད་ཀྱིས་མནར་བའི་ནམ་མཁའ་ཆེན་པོ་འདི
ལྷ་མོ་ཞིག་གི་མིག་ཡ་ཅིག་ལ་འཁྲུན་ཐག་བཅད་པས
ཁྱོད་ཀྱི་མཛེས་སྡུག་དེ་ཡང
བྱེ་ཐང་སྐྱ་བོ་དེའི་སྒལ་གཞུང་དུ་ནུབ་ངེས་ལ
ནུ་འབུར་དང་བརླ་ཤ
མཚན་མ་བཅས་ཀྱི་མཚོན་དོན་དུ་བབས་པའི་
བྱེ་སྒང་གི་ཉམས་འགྱུར་རེ་རེ
ཁྱོད་ཀྱི་བླ་སྲོག་བརྐུ་བའི་མཛེ་བ་རེ་རེ་ཡིན་ན
བུད་མེད་ཀྱི་གཟུགས་རིས་ལྟ་བུའི་སྒྲེན་གཟུགས་དེས
ཁྱོད་ལ་འདོད་སྲེད་ཀྱི་བསླུ་བྲིད་ཅིག་གཏོང་ངེས
དུས་དེ་ནས་བཟུང་སྟེ
བུད་མེད་ཅིག་གིས
རང་གི་ཁ་གཏད་དུ་གྱུར་བའི་བུད་མེད་གཞན་ཞིག་ལ
ཉལ་བོ་བྱེད་འདོད་ཀྱི་འདོད་གཏམ་ངེས
བྱེ་ཐང་དེ་ཁྱོད་ཀྱི་གཅེར་བུ་བུད་པའི་ལུས་པོ་དེ་ཡིན་ན
ནམ་མཁའ་དེ་ཉིད་ནི་རང་ལུས་གསལ་བོར་སྟོན་བྱེད་ཀྱི་མེ་ལོང་ཞིག་དང་འདྲ་བས
ཁྱོད་ཀྱིས་ནམ་རྒྱུན་རང་ལུས་ལ་ཅེར་བཞིན་རང་སྲོག་ཐེངས་ཤིག་གཅོད་ངེས
རྩོམ་ཁུངས། ངེད་དྲ་བ།