ཆོས་ཀུན་ལ། 

                                                               གྷ་རེ་ཟི་ནེ་རྡེར། （ཨ་རི།）

ཀྱེ་མ།   གསོན་འདུག་ཨང་།
  དགུ་བའི་ཟླ་དཀྱིལ་གྱི་ཞོགས་པ་ཞིག་ལ།
  ཆུ་ཕྲན་གྱི་རབ་ཁར་བརྒལ།
  རྐང་རྗེན་དུ། དོར་མ་ཡར་བརྫེས།
  ཡུ་རིང་ལྷམ་བཟུང་། རྡོག་ཁྲེས་འཁུར།
  ཉི་འོད་ལམ་ལམ། ན་ཁུག་གི་འཁྱག་རོམ།
  བྱང་ངོས་ཀྱི་རཱོ་ཁེའི་རི་རྒྱུད།¹ 

ཤང་ཤང་དང་འོད་ཡུག་ཡུག་གི་བསིལ་བའི་ན་ཆུ།
 རྡོ་བའི་ཚོགས་རྐང་མཐིལ་དུ་འགྱུ། སོར་མོ་ལྟར་ཆུང་ལ་མཁྲེགས།
  སྣ་ཆུ་(འཁྱག་པ)ཐིགས་ཐིགས།² 
  ནང་རོལ་ནས་གཞས་གཏོང་།
  ན་ཆུའི་གཞས་དབྱངས། སེམས་ཀྱི་གཞས་དབྱངས།
  རྡོ་སག་སྟེང་གི་ཉི་མའི་དྲི།

  ངས་མོས་ཞེན་སྒོས་དམ་བཅས།
  ངས་མོས་ཞེན་སྒོས་དམ་བཅས་པ་སྟེ།
  རུས་སྦལ་གླིང་ཕྲན་³གྱི་སའི་ཁྱོན་ལ།
  ད་དུང་འདིར་འཚོ་བའི་སེམས་ཅན་ཀུན།
               སྣོད་བཅུད་མ་ལག་གཅིག
               སྣ་མང་སྒོས།
               ཁྲི་གདུགས་འོག་ཏུ།
  ཆོས་ཀུན་འདྲེས་བསྲེས་སྒོས་དགའ་ཚོར་ཆེན་པོས་འཆའ།

                    ཐང་ཤིང་གི་རྩེར།

  སྔོ་ལྗང་གི་མཚན་མོར།
  བད་སྐྱ་ལང་ལོང་།  ནམ་མཁར།
  ཟླ་འོད་འཕྲོས།
  ཁ་བ་སྔོན་མོས་ཐང་ཤིང་གི་རྩེ་མོ།
  གུག་གུག་བཟོས།  དེ་ཡང་ནམ་མཁའི་མཐོངས་སུ།
  རིམ་བཞིན་ནུབ།  བད་སྐྱ།  སྐར་འོད།
  ཡུ་རིང་ལྷམ་གྱི་ཐྲིག་སྒྲ།
  རི་བོང་གི་ཤུལ་རྗེས།   ཤ་བའི་ཤུལ་རྗེས།
  ང་ཚོས་ཅི་ཞིག་རྟོགས་ཐུབ།

1.  Rockies སྟེ། ཁ་ན་སྒྲ་དང་ཨ་རི་སོགས་མེ་གླིང་བྱང་མ་འཕྲེད་ཀྱིས་བཅད་པའི་རི་རྒྱུད་ཅིག 

2.  cold nose dripping སྟེ། བརྗོད་བདེའི་དབང་གིས་cold ཞེས་པ་གུག་རྟགས་ནང་བཞག་ཡོད།

3.  Turtle Island སྟེ། ཝེ་ཐེ་(Viti)རྒྱལ་ཁབ་ཏུ་ཡོད་པའི་གླིང་ཕྲན་ཞིག སྐབས་འདིར་རྩོམ་པ་པོས་མེ་གླིང་བྱང་མར་གོའམ་སྙམ།

རྩོམ་ཁུངས། ངེད་དྲ་བ།